Mandy收蛋糕唔當追求

與台灣小生陳柏霖分手後，混血名模Mandy Lieu一直不乏追求者，在剛過去的生日，G.E.M.的外籍唱片監製Lupo Groinig便為她慶祝！
前晚Mandy欣賞時裝騷時表示對方並非追求她，但問到為何送蛋糕，她解釋牽強：「我同佢住得近，佢送個蛋糕畀我啫！佢唔係追我，我約咗朋友去澳門玩，佢幫我截的士，好有風度。（有冇發展機會？）順其自然啦！不嬲都隨緣。（揀外國人做男友？）諗吓先，開心就得。」她還透露收到陳柏霖的祝賀短訊，但否認有機會復合。