阿澤開戲靠祖兒賺錢

杜汶澤昨日出席影視娛樂博覽英皇電影展館記者會，他透露將開拍由容祖兒主演的新片《DIVA》：「我上次監製嘅《前度》成績好，公司再揼本兩千幾萬拍呢套戲，套戲講樂壇天后，梗係搵祖兒啦！（公司畀壓力？）淨係話要賺錢！我強項！」他指戲中還有一位「候任天后」的角色，兩人將有感情線，問到祖兒是否推薦好友何韻詩？阿澤說：「佢冇畀意見！（你搵阿詩？）圈中係人唱歌都想搵。（有感情線喎？）冇定男女界限嘅！」而導演麥兆輝及莊文強出席《關雲長》座談會時，表示有幸促成甄子丹及姜文的合作，他們決定找姜文時，電影公司老闆亦被嚇一跳，有指曾有導演與他合作時身故，麥兆輝笑言不怕：「我哋死咗個仲有一個。」