江美儀睇好「啞妹」奪女配

藝人江美儀和胡定欣均於《萬千星輝頒獎典禮2012》提名「最佳女配角」，江美儀昨日出席商場活動時表示對奪獎有信心，但認為公司最終會頒給胡定欣：「因為佢已經喺公司10年，又係親生女，公司冇理由唔畀佢！我有冇獎都冇所謂，如果有我會開心到爆。我只係喺無綫4年，不過有好多同事話投咗我一票，贏得友情好開心！」至於頒獎禮的戰衣，她表示只能以一個字形容：「勁！（有冇黑絲？）黑絲呢啲可一不可再，再着我要收錢。」

而憑《拳王》中的啞女一角於馬來西亞ASTRO頒獎禮膺「最佳女配角」的胡定欣，昨日出席活動時坦言希望再下一城，最近與男友打得火熱的她被問到若奪「女配」可會在台上發表愛的宣言？她說：「我哋啱啱拍拖幾個月，大家等吓先！我有預佢一齊嚟食飯。（入電視城？）冇，佢喺電視機前捧我場，仲叫佢搵埋朋友投我個《大太監》一票，希望攞『最佳劇集』！」

江美儀以一個「勁」字形容頒獎禮戰衣，令人期待。

胡定欣透露頒獎禮後的飯局預埋男友。