返回列表 發帖

莊思敏教「金蟬脫殼」Chrissie當佢透明

對於超蓮夜蒲被人「問候」兼不禮貌對待,曾試過夜蒲期間遭人撩的莊思敏,更分享「金蟬脫殼」妙方:「我試過畀人撩,當時我冇理佢,但佢仲跟住我,我即刻行去人多嘅地方,一人多佢就會驚,唔會再跟埋嚟!」性格剛烈的莊思敏更表示應該當對方透明,除非對方有進一步行動,她說:「咁就要有心理準備報警。」

至於同是宅男女神的周秀娜(Chrissie),對於超蓮遭遇大感驚訝:「邊個咁夠薑?超蓮又靚女又有錢,仲要咁乖女,點解啲人咁衰蝦佢,我估對方係飲大兩杯,控制唔到自己,真係大膽!雖然大時大節飲吓酒好正常,但飲得多傷身,行為仲會失控,所以大家都係唔好飲咁多喇!」問到若然發生在她身上會如何處理時,Chrissie說:「如果係咁我都係會唔理佢,最好就係當佢透明,唔好畀佢得逞,因為就算畀任何反應,嗰個人只會覺得自己好威,愈來愈控制唔到自己。(有冇遇上類似經歷?)我好少去夜蒲,就算去都係一大班朋友,有試過有陌生人上前打招呼,不過都係好有禮貌嘅!」

返回列表