| 周秀娜當街攬老闆被《好報》拍得斷正，名花有主的她昨日接受電話訪問時答得曖昧，表示當晚酒酣耳熱，彼此傾得投契，因不捨得對方離開才送上愛的抱抱！但對於正印Avis扭傷腳一事，卻冷淡地說：「扭親呀？希望佢早日康復！雖然周秀娜早已公開與陳偉成（Avis）拍拖，可是因為聚少離多，加上男方不時惹緋聞，有傳二人關係若即若離。昨日《好報》還踢爆娜姐與內衣品牌La Miu老闆飯聚，臨走前還在街頭送對方一個愛的抱抱，消息又指二人關係非淺，娜姐更望在三十歲前賺夠一億上岸。亦師亦友 記者昨日致電周秀娜，被問到與型仔老闆的關係？她答得曖昧：「我同佢（老闆）已識咗一段時間，由兩年前做代言人開始，發覺同佢真係好好傾，喺佢身上學到好多做生意同管理嘅心得，喺我心目中真係亦師亦友！」對於當街送抱斷正？她說：「我成日攬人o架啦，戲裏面成日攬人，嗰晚大家又飲又食，傾得好開心，佢又要離開香港喇，好唔捨得，所以咪咁囉！」問Avis會否因此呷醋，會否乘機箍緊她？娜姐說：「唔呷得咁多喇！我冇得箍，反而我想畀唐僧個緊箍咒箍緊啲！」 早日康服娜姐坦言希望三十歲前搵夠一億，但不會因此上岸，她說：「真係想，但唔夠上岸，百物騰貴呀！」對於四年神奇吸金三千萬，她說：「係唔係都好，都唔夠中兩次六合彩金多寶，不過今年交稅都幾甘！」Avis昨日於微博上載扭傷腳的照片，對於男友受傷，娜姐只冷淡說：「扭親呀？希望佢早日康復！」 話題熱爆個個八逢周五推出、爆盡猛料的《好報》昨日繼續強勢推出，全城熱搶，有好料好猛料，當然更成為明星名人的熱烈八卦的話題！ 何國鉦啲相好靚、色彩鮮艷，排版方式、設計又特別，好吸引，冇諗過一份附加報紙會咁花心思去做！ 姚子羚啲圖片好大好靚，啲報道亦好細緻，《好報》好睇。 王祖藍《好報》啲顏色咁搶眼奪目，圖文獨家又精彩！ | 
