朱茵由懷孕到誕下女兒，足足九個月沒有曝光，保密工夫做到足，昨日她首次出席公開活動，只見她已火速修身，回復苗條身形，身材一向澎湃「有料」的朱茵，因怕壓力大沒有餵人奶朱茵為免被影到懷孕肥胖的一面，「潛水」九個月沒有露面，產後亦留在家中專心湊女，就算日前本報獨家影到她與黃貫中（Paul）為囡囡舉行百日宴，亦十分低調。昨日朱茵產後首度露面，引來不少人圍觀，爭相要求合照，雖然大會阻止，她欣然接受與粉絲合照。 覺得生命奇妙坐足一百日月的朱茵，昨出席澳門喜來登酒店「宏地樓」的竣工典禮，與古天樂及袁詠儀一同剪綵及打手印，身穿黑裙的她已修身不少，她說：「我生之前都只係重咗17磅，臨生前我特登谷到20磅，依家距離未生前只差3、4磅，我好乖呀，坐月坐足100日！」為囡囡她足不出戶，湊女完全不會假手於人，自然快修身：「餵奶洗奶樽都係自己，不過我係餵奶粉嘅。（你應該好多奶水？）個奶媽都有問我，我覺得餵人奶好大壓力，我又驚唔夠奶，同埋如果媽咪病，個女都會病，最重要係老公都可以幫手餵奶粉，不過Paul乜都識晒！」問到要否撲奶粉？她說：「好在有贊助，不過之前都換過奶粉。」夫婦倆一於齊齊搵奶粉錢。 朱茵透露囡囡「叉燒包」出生時重6磅10安士，老公全程陪伴在側，兩人見到BB出世的一刻忍不住留下開心眼淚：「覺得生命好奇妙，Paul都熱淚盈眶，之前聽蔡少芬講都唔明，自己做咗媽咪之後就明白，依家個女係最重要，淨係望住佢就滿足。」她已為「叉燒包」取名黃鶯：「我鍾意個名響啲，我一向好鍾意呢種鳥，覺得佢哋又靚又有智慧，其實之前都有諗過黃晶，但已經有人用嘛！英文名Debbie就係Paul改嘅，代表daddy's baby，同埋佢好鍾意一個歌手都係叫Debbie，我都好贊成，老人家都識叫！」 嘔奶都好得意黃鶯的樣貌似她多過Paul，朱茵笑言最初看見B女是單眼皮都好擔心：「因為Paul係內雙眼皮，總之就覺得個女成日引我哋笑，嘔奶都好得意。」今年她要首年派利是，囡囡亦首度逗利是，感覺得意！至於古天樂則透露農曆新年會留港度歲，他堅持農曆新年留港，除了派利是外還有小賭，他說：「賭錢贏冇得攞，輸就要畀雙倍，不過志在大家開心啫。」對於陳小春太太在微博宣布有喜？古仔即送上恭喜。 | 
