老餅話當年 - 繼續老餅話當年 - 文章小說分享版 - 小花俠論壇

1 ... 5 6 7 8 9 10 11 12 1314

返回列表發帖

咱是陳小肥

論壇元老

Rank: 8 Rank: 8

UID: 26485
帖子: 6512
主題: 643
精華: 1
積分: 23483
金錢: 143005
閱讀權限: 90
來自: 久唔久刮一刮
在線時間: 920 小時
註冊時間: 2012-10-11
最後登錄: 2022-1-28

炮竹除舊歲財神降臨恭賀新年

261^# 跳轉到 »

簡繁發表於 2015-3-17 11:06 | 只看該作者

259/367288

然後，包租婆自不然係退出哩個遊戲。

但係，蛇無頭不行，成班租客連忙圍埋開大會，睇下點攪作。

吱吱喳喳，七嘴八舌一輪，都係得個爹字。

意見統一唔到，有人話賴住貓先，有人諗主動投誠，有人望推人去死，有人想跟人衫尾　．．．　．．．　．．．　總之，傾唔埋欄，有排都未到埠啦。

係喱個時候，打左好幾個月寫字樓工　ge　細路出青啦。

見佢又條有理咁係疊日曆紙度寫底其他三房客　ge　同租用地方。

再將各人　ge　意見寫低。

最緊要係有外文　．．．　bed no. 1　．．．　room no. 1　．．．　1 man 　．．．　1 man + 1 woman ．．．　之類。

細路返左份正式工到有大成半年，街坊都睇都佢　ge　變化。

吵吵鬧鬧之間，有人留意到細路　ge　動作勒。

於是　．．．　細路把炮喎　．．．　細路醒目喎　．．．　細路架勢喎　．．．　細路有咩竅呀　．．．　

細路不竟係細路，被人捧多兩捧，連老竇姓乜都幾乎唔記得，忘其所以症狀出現。

於是，開始口若懸河，中間雜兩句外文，內容就　．．．　九成係　nine up。

TOP

咱是陳小肥

論壇元老

Rank: 8 Rank: 8

UID: 26485
帖子: 6512
主題: 643
精華: 1
積分: 23483
金錢: 143005
閱讀權限: 90
來自: 久唔久刮一刮
在線時間: 920 小時
註冊時間: 2012-10-11
最後登錄: 2022-1-28

炮竹除舊歲財神降臨恭賀新年

262^#

簡繁發表於 2015-5-14 01:24 | 只看該作者

不過，細路閒時湊埋班同事、行家吹水、蛇王，聽聽埋埋唔小個案；所以，聽起上黎就似模似樣，特別係　D　名詞　．．．　咩封舖差、執達吏、經歷司呀咁。

講　ge　滔滔不絕，聽　ge　不亦樂乎；實情就：識　ge　被佢笑死，唔識　ge　被佢嚇死。

成班三房客裏邊，有件老同，外號無尾蛇　(係勒，無錯勒，就係精過無尾蛇個條無尾蛇勒) 。

無尾蛇突然舉扒：細哥，都差唔多夠期交租勒，你話好唔好先交左租俾大業主先呀哪。

細路：咁交租就應該　ge。

即場就有　D　唔係河蟹　ge　係度阿之阿佐。

無尾蛇：無租收，怕業主會收樓喎。

有海蟹話：收咪收 loh，單身寡老竇，邊處落唔到腳。

無尾蛇：家下租地方咁易呀，你話；總有呀，你交低過包租婆個兩個月按金點呀。

無尾蛇轉頭問：細哥，你律師樓都收個樓架下。

細路想下，真係有行家講個欠租、收樓喎；便順口答句欠租真係會收樓架。

無尾蛇：不如咁啦，大家散修修，業主都唔知邊個打邊個，最好集齊曬　D　租，由代表送去業主度，再傾下跟住點安排啦。

細路阿媽：哩個做法好，君真　D　好，橫豎都係要交租　ge。

其他師奶：邊個去呀，師奶唔識架喎。

其他麻甩：要開工喎。

B　女吮住隻手指：B　女想去。

無尾蛇望住細路。

助產士：細路，你去啦；你都寫左將名單咯，順便收埋租，集低佢，一手一腳羅。

細路：下。

助產士：細嬸，咪當幫下大眾羅。

其他師奶　and　麻甩：係羅，你又識字。

細路阿媽：都好　ge；無野架，係嘛，剩係交租喳，係嘛。

助產士：無其他野　ge；交個租之嘛。

無尾蛇：無野咪一齊去羅。

助產士：一齊，你呢。

無尾蛇：一齊羅。

細路阿媽：一齊好，一齊好，咁多錢。

然後無尾蛇對細路兩母子話：到時一齊去。

於是，就係無尾蛇同助產士同其他群眾演員見證下開始收租、集名勒。

TOP

anjolaw

新手上路

Rank: 1

UID: 50228
帖子: 4
主題: 0
精華: 0
積分: 4
金錢: 40
閱讀權限: 10
在線時間: 2 小時
註冊時間: 2015-5-29
最後登錄: 2015-7-14

263^#

簡繁發表於 2015-5-29 16:19 | 只看該作者

回復 241# 咱是陳小肥

TOP

咱是陳小肥

論壇元老

Rank: 8 Rank: 8

UID: 26485
帖子: 6512
主題: 643
精華: 1
積分: 23483
金錢: 143005
閱讀權限: 90
來自: 久唔久刮一刮
在線時間: 920 小時
註冊時間: 2012-10-11
最後登錄: 2022-1-28

炮竹除舊歲財神降臨恭賀新年

264^#

簡繁發表於 2015-7-14 02:25 | 只看該作者

262/442064

小肥突然師傅到 ... ... ... 發帖

前後攪左三四日先收得齊租，擺咁耐，細路兩母子就驚足咁耐；無他　ge　袋住咁多錢係身。

後來都係細路醒目，叫佢老母係財神銀行開返個戶口，先至定一定。

係銀行開戶口，對細路黎講，曾經係機咁遙遠　ge　事情呀。

收齊租之後個日，細路兩仔 naau、無尾蛇、助產士就一齊解住筆鉅款去到業主間舖頭。

舖頭個掌櫃招呼佢地。

掌櫃：呀原來包租婆出左事呀，唔怪得無黎聲氣啦。

無尾蛇：今日係黎交租架。

掌櫃：哦。

無尾蛇示意細路出聲。

細路：係呀，成班租客自發集齊　D　租；哪，哩度係　D　租同交租租客清單。

掌櫃：哦　(掌櫃見細路講野有紋有路，覺得唔錯；不個無乜詫異，畢竟，當年，家貧少當家　ge　大不乏人)。

掌櫃哦完之後：張清單就唔睇啦；係呢，張租單點寫呀。

成班人當堂　hang　機；除左無尾蛇。

原本無尾蛇都唔係真個好心得咁交關。

無尾蛇古古惑惑，搬就唔想搬，由其是要個地步黎收佢親阿哥係外國寄返黎　D　接濟。

唔出手，就睇怕攪到出年都未攪完。

出手咩，又怕攬野上身；食大煙　ge　一向都係懶架啦。

唔係話做二房東有水執　ge　咩。

係，無錯。

但係，無尾蛇自己知自己事，佢真係驚自己會托水龍。

其次，佢驚自己都唔清楚實情收左未，佢舖煙癮大過花旗戰艦，一日　high　三次，每次八個鐘。

還有，袋住咁多，真係怕老笠、老爆架；佢唔係未笠過、未爆過架；係有接濟收之前。

TOP

咱是陳小肥