Chrissie斬桃花 Avis知衰補鑊

周秀娜離港吸金期間，男友Avis被發現連環偷會師妹Jeana、CoCo及傅穎，令女友眼火爆！前晚周秀娜趁新戲煞科急急返港睇實男友，而Avis亦知衰，陪她睇醫生兼「人肉鎮痛」補鑊！

擁有32D火辣身材的性感女神周秀娜（Chrissie），最近積極在內地登台、行內衣騷、捽碟及拍電影，當她努力搵人仔時，男友Avis卻被發現連環約會其他女仔！繼師妹何佩瑜（Jeana）傳嗒他糖後，Avis又被指與傅穎密會，當時Chrissie醋爆，透過經理人叫男友填「夜歸申請表」，言猶在耳，Avis昨日又被指與「契妹」CoCo行街！眼見男友桃花旺盛，Chrissie在馬來西亞拍畢電影《紙月亮》後即返港，但因訂不到機位而經新加坡轉飛泰國再返港，足足折騰12小時！而Avis亦「知機」，前晚接機後，昨日即陪她看醫生兼送禮物補鑊。

傷口發炎恐留疤

本月初，Chrissie拍戲炒車傷右腳，但仍繼續拍落水戲，導致傷口發炎。昨午1時半，她在Avis陪同下到中環睇醫生，記者上前拍照時，二人大方停步微笑。候診期間，Chrissie倚在男友肩上撒嬌，洗傷口時更眼紅紅地抓實男友手臂呻吟叫痛，她說：「受傷後有少少發炎，但唔敢亂食藥，醫生話拖得太耐，搞到咁嚴重！我好唔開心，醫生話就算傷口埋得靚都會有少少黑色，最壞打算係有肉粒，可能要磨皮。醫生畀咗啲抗生素我食，教我哋洗傷口，但之後去外地工作就要自己洗，仲要隔日Send相畀醫生睇。」雖然醫藥費全由劇組負責，但Chrissie說：「我唔要錢，我要番對靚腿！」眼見女友扭計，Avis即講笑氹她：「投胎就換過對靚腳！」

據知，Avis除了做「跟得男友」陪診，還送上印有可愛公仔的小瓶，讓女友盛載補濕用品隨身攜帶，據知Chrissie收到禮物後非常開心，四圍向朋友晒命！

前往診所途中，Avis小心地扶實Chrissie，盡顯關愛之情！

候診期間，Chrissie倚着男友撒嬌。

洗傷口時，Chrissie痛到捉實Avis，Avis即摸摸她的頭安慰。

眼見女友捱痛，Avis亦非常心痛。

Chrissie的傷勢甚嚴重，有可能留下疤痕。

返回列表

Chrissie斬桃花 Avis知衰補鑊

[收藏此主題] [關注此主題的新回復]

[通過 QQ、MSN 分享給朋友]