法拉獲欽點視后笑晒

憑無綫劇集《潛行狙擊》而人氣急升的陳法拉，前晚偕同歌手周柏豪到觀塘apm出席《NBA Madness 2011》活動。對於新劇被爆有兩個結局，法拉直認不諱，但不知哪個版本會出街：「總之多謝Laughing哥帶挈！」談到陳志雲無罪釋放，法拉戥對方開心，但雙方甚少聯絡。至於有傳新老闆陳國強欽點她封視后，法拉笑說：「有提名已經好開心，仲要睇埋其他劇，胡杏兒、鍾嘉欣同徐子珊都好好，信心一半半啦！（老闆鍾意就得！）唔係邊個講就得，仲要睇觀眾投票！」