|
- UID
- 30400
- 帖子
- 16264
- 主題
- 7149
- 精華
- 0
- 積分
- 25209
- 金錢
- 829257
- 閱讀權限
- 150
- 性別
- 男
- 在線時間
- 698 小時
- 註冊時間
- 2013-11-9
- 最後登錄
- 2015-4-21
                            
|
一句「對唔住」有幾沉重？
無論是中日韓英美法的愛情劇，總係離不開一句對白：對唔住。咩時候要講對唔住？男主角出軌，愛上第二個，歉疚的一句「對唔住」。男孩向女孩表白，女孩沒有意思，冷冷的一句「對唔住」。一對璧人，一方默默做了很多事情，另一方知道之後，通常都會講「對唔住」。所以呢句對唔住，喺唔同時空、唔同情況之下，意義可以話係差天共地。不過，最近聽嘅一句「對唔住」比好多愛情劇入面聽到嘅更心酸…
你都應該估到，薄荷糖講緊嘅係奧斯爾嘅一句「對唔住」。阿仙奴周中歐聯比賽對拜仁慕尼黑，奧斯爾在比賽早段射失12碼，第二日已經在社交網站表示歉意，同所有人講「對唔住」。不過，射失12碼為何要成為全隊罪人？同一場比賽都有阿拉巴射失、雲加都話柏金射失過12碼、08年泰利12碼跣腳跣走咗個歐聯、就連薄荷糖最愛嘅萬人迷都試過12碼飛機啦！一個12碼失利真的值得道歉？所以，呢一個「對唔住」並非單單指12碼，而是他對球迷的期望道歉、為自己的表現下滑道歉，更重要的，是為了自己可以成為真正的槍手而道歉。
遠洋而來，得到多少人的期許、季初帶給多少槍迷希望，不過又有無人諗過奧斯爾受了多少的壓力？在皇馬是助攻王，並不代表可以在英超成為助攻王。隊友變了、比賽的節奏亦不同了、西甲的比賽頻率亦不及英超，奧斯爾第一季已經可以融入阿仙奴到這個地步已經很不容易，但一個小小的低谷就有諸多意見，有槍迷叫他滾回德甲、有名宿稱他不適合英超，大眼仔好似由季初的天堂跌入地獄，不過仍然好謙厚地「對唔住」，想得到大家的諒解、支持，一位世界級中場做到呢一步，可見佢有幾想同槍手共同進退。
相比之下，有些球員不以球隊的大局為重、只為自己的名聲、紀錄而戰，更為了更高的薪金不斷跳草裙舞。可能他最後都得到了「英超最高薪」的名銜，不過他從來未為自己的離心道過歉、未為球迷的期望道過歉、未為自己的表現下滑道過歉。所以這句「對唔住」，未必人人都講得出口，其份量，亦是人人不同。
 |
|
