 【太陽報專訊】汪明荃（阿姐）昨日為「海馬集團」旗下品牌「軒琴居」拍攝新一輯廣告，「海馬」老闆鄔友正及老婆翁嘉穗前來探班。與品牌合作25年的汪阿姐出名嚴謹，她稱很着重床褥質素，喜歡厚及硬的床褥。提到日前老公羅家英入院做肝臟手術，阿姐表示他的傷口未完全復原，正慢慢恢復。問到家英哥休息時間在家做甚麼？她說：「都係睇電視同食嘢，間唔中出去飲茶，佢有時睇波睇到好夜，有叫佢早啲瞓，不過佢都開始計劃緊工作。」
身為黃宗澤（Bosco）「契媽」的阿姐，被問到「崢澤戀」時，坦言沒有留意：「我唔識楊崢。（多負面消息！）係咪你哋炒作咋？（約食飯？）我都唔得閒。（唔使見吓？）唔使啦！等佢認真先啦！（佢今次唔認真？）咁快就散，你話呢？（已經散咗？）唔知呀！你哋講咋！」 | 
