|
 
- UID
- 8
- 帖子
- 2003
- 主題
- 1413
- 精華
- 2
- 積分
- 4263
- 金錢
- 110813
- 閱讀權限
- 200
- 性別
- 男
- 來自
- 台灣
- 在線時間
- 359 小時
- 註冊時間
- 2011-3-10
- 最後登錄
- 2022-12-8
|
神秘搭客投訴 遭警票控無禮小巴阿姐：我冇講粗口
九年來天天駕駛專線小巴、人稱芳姐的鄺惠芳，操控「16座」來往屯門至上水過萬轉，載客無數。自言一生從未說過「×你老母」的她，早前忽然被乘客投訴開工時爆粗問候別人娘親，結果遭警方票控駕駛時對乘客無禮。說話粗聲粗氣的芳姐高呼：「大聲唔代表我冇禮貌。」但堅稱沒有爆粗，對事件亦全無印象，決不認罪，誓與投訴乘客於公堂對質。
「最多只係講仆街」
鄺惠芳駕駛 44A專線小巴，天天來往屯門至上水，日踩 8小時。本年 5月，她收到警方告票，指控她於2月 28日對乘客不禮貌。她上月30日於屯門裁判法院否認「無禮貌及不守規矩」控罪，11月30日受審。談起事件，芳姐忿忿不平。她收到口供紙，「神秘搭客」供稱當日10時許在卓爾居站上車，「話我講咗『仆街』同問候人哋娘親嗰四個字，又話我未等埋佢坐低就開車。佢差啲整親，差啲要睇醫生，全部都係差啲……隔咗兩個月，每日車咁多人，點記得？」芳姐聲如洪鐘，行車期間提示乘客落車，甚至講電話相約行家飲茶，一樣中氣十足。「識講嘢開始都唔講粗口，最多只係講『仆街』。我又唔係同你（投訴人）講嘢，對你有乜影響？」芳姐又認為，倘對方口供屬實，她必定憶起投訴人幾乎跌倒一幕，「『哎吔』都會叫一聲，但係我一啲印象都冇」。警方兩度請芳姐協助調查落口供，惟她自覺冇話好說，拒絕落口供，反問警察是何許人「篤背脊」，「佢哋話係一個女人」。芳姐月薪8,000元，平均日薪300多元，一紙傳票一旦定罪，或許損失一周人工。面臨審訊，芳姐似乎打定輸數，「行家話罰硬」。何不認罪輸少當贏博輕判？「我冇做過，好無辜。認又罰唔認又罰，我決定出庭自辯，好想見吓呢個女人嘅廬山真面目」。根據法例，巴士、小巴及的士司機須有禮貌及守規矩，否則最高罰款 3000元及監禁半年。
「我決定出庭自辯」
劇集《大時代》的「玲姐」揸小巴養大四條化骨龍，現實中的芳姐不相伯仲，「之前有架『綠的』，揸咗10年」，其夫亦是「搵食車」司機，公一份婆一份捱大兩個仔，一個剛畢業，一個已做事。19年搵食車生涯，難免因超速被罰，但因不禮貌收「牛肉乾」卻是頭一遭。芳姐為家中八兄弟姊妹的老大，自有大家姐的霸氣，但駕駛態度卻甚斯文。記者日前坐一程芳姐駕駛的小巴放蛇，一般小巴司機與同行以對講機閒聊時總會夾雜的「助語詞」及「問候語」，芳姐一句也沒說。
鄺惠芳豎起四隻手指，堅稱從未爆粗。 |
|
