至於鍾嘉欣則表示與無綫仍有長約，若然王維基肯付錢贖身，問到會否過檔？她說：「咁長遠，真係唔知！依家拍劇拍到出年二月，唔想諗呢啲嘢。」而黃宗澤自言與無綫有多年合約：「係人哋轉發畀我，我冇轉發。（胡杏兒收到？）唔知！公司年年都加我人工。（羨慕鄭嘉穎加16倍？）咁多？若然係160倍我都諗吓！」他表示若樂易玲不離開無綫，他也不會離開：「我哋係樂小姐湊大。（佢好愁？）唔覺！（陳志雲掌管藝員部？）各有職位，陳先生管行政，樂小姐管藝人。」高海寧昨日出席Marc by Marc Jacobs活動時，承認收到短訊，感到驚訝，但沒有回覆：「冇諗過要轉工或者去其他公司。（人哋出高價呢？）錢固然重要，不過最重係有嘢做同有發揮機會。（傳王維基對亞姐冇禮貌有關？）唔關事，公司畀好多機會我，我滿意收入，公司年年都有加人工。」
