張達明學發哥爆笑

藝人張達明日前為下月公演的舞台劇綵排，他說：「七月做完紅館棟篤笑就返內地拍嘢，依家諗住返港抖吓，咁啱香港戲劇協會請我演《花心大丈夫2》，我睇過周潤發嘅《花心大丈夫》，好爆笑，想挑戰吓自己，鬧劇好難做，少啲精力都應付唔到，今次仲要壓住把聲講兩個鐘頭對白，一啲都唔輕鬆。雖然辛苦，酬勞同返內地拍劇都冇得比，但我好尊重劇場，導演方家煌幾個劇我都好鍾意，所以應承參與，排落又覺得好好玩，好有滿足感，好期待快啲公演。」