Mandy 教路約會要靠「嚇」

模特兒Mandy Lieu前晚出席《生力嘩鬼扮嘢大會》萬聖節活動，大讚香港的應節鬼屋好玩，雖然沒有男士約她去玩，但她教路建議男士約異性前要做足功課：「要知道邊個係驚嚇位。」她自認由細嚇到大：「有發生過啲怪事，但會以科學角度去解釋。試過畀朋友玩，飲嘢時話我隔籬有人，仲同我隔籬嗰個人講嘢，但我冇被嚇倒。」

另外，早前蘭桂坊出現色魔，Mandy說：「呢啲事發生好無辜，女仔唔好去少人嘅地方。」她表示曾被跟蹤，並說：「以前興帶防狼噴霧，朋友送咗支畀我，但有次上飛機唔記得攞出嚟，過關先知唔可以帶上機，好彩唔係去美國，如果唔係實畀人拉。」