法拉首翹薛世恒出巡造勢

今屆視后大熱陳法拉，昨晚首度翹實Neway太子爺男友薛世恒出席公開活動，為角逐視后造勢，惟舉止生硬！相反同場的陳豪雖沒女友陳茵媺陪伴，但仍隔空力撐對方！

中港台明星舒淇、關之琳、桂綸鎂、吳尊、陳法拉、陳豪、張靜初、張智霖、何超盈、黎小田、侯佩岑、美國歌手Kelis Rogers、琦琦及姚予晴等，昨晚盛裝出席中環舉行的《Giorgio Armani隆重宣布香港 Armani/Chater House全新面貌正式揭幕》活動，現場星光熠熠，衣香鬢影，大會安排50名保安維持秩序，吸引近百傳媒及逾百圍觀者，場面墟冚！

多啲Social

雖然眾星雲集，但以視后大熱法拉最搶鏡，皆因她首度公開翹實男友薛世恒亮相，為角逐視后造勢！不過，未知是否太緊張，二人舉止生硬，顯然不太習慣，法拉做訪問時，薛世恒更先行離開！提到拍拖出席活動，法拉甜笑說：「係呀！第一次咋！大家知道我哋公開咗，今日佢見朋友，Armani高層係佢朋友，而活動都有邀請我！（唔慣？）好唔習慣，兩個都唔慣，始終第一次！（生硬？）佢比較怕醜！」

記者笑她下次再亮相時會否宣布婚訊？法拉說：「好難講，今次第一次出嚟，以後多啲同佢出嚟Social，叫佢唔好再喺屋企睇書！（感情穩定？）咁啱品牌邀請。（認定對方？）唔關事！」問到是否擔心男友洩漏婚訊，故不准他做訪問？她笑說：「嗱嗱嗱！你哋咁講嚇親人！其實唔需要，佢都唔係呢行嘅人！」

陳豪撐女友

而有份角逐視帝的陳豪則以型男打扮亮相，更賣口乖自言是該品牌粉絲。問到會否與女友陳茵媺情侶裝亮相台慶頒獎禮？他說：「睇吓到時係咪一齊行（紅地氈），如果係都想呀！（佢會性感？）最緊要性感得嚟健康，出嚟張相靚同埋Sweet！」對於獲茵媺力撐做視帝，他說：「冇計，我哋實要撐，我都好欣賞佢，之前未一齊都覺得佢好努力，平心而論佢做得唔差，唔係Base On大家嘅關係！」

法拉翹實薛世恒出巡，成為全晚焦點之一！

陳豪雖然獨自出席，不忘讚女友陳茵媺。

侯佩岑的中性打扮，感覺新鮮！

吳尊（左起）、黃耀明及陳坤喜相逢，列陣拍照。

余文樂及Kelis Rogers分別到場。

Kelis Rogers

返回列表

法拉首翹薛世恒出巡造勢

[收藏此主題] [關注此主題的新回復]

[通過 QQ、MSN 分享給朋友]