|
 
- UID
- 4
- 帖子
- 1904
- 主題
- 1638
- 精華
- 1
- 積分
- 5529
- 金錢
- 51840
- 閱讀權限
- 200
- 性別
- 女
- 在線時間
- 497 小時
- 註冊時間
- 2011-3-10
- 最後登錄
- 2020-4-12
      
|
陳嘉桓陳雅倫否認發姣
陳嘉桓（Rose）昨被傳媒指在雲南拍戲，主動跟狄龍之子譚俊彥、米雪姨甥徐偉棟玩到癲，對此，導演熊欣欣以及Rose經理人公司均力撐Rose，而同片的陳雅倫亦指Rose只是初出道的小妹妹，實不應給她如斯壓力！
陳嘉桓（Rose）在橫店發生被無禮攬錫事件後，因工作關係不得不遠赴內地拍攝熊欣欣執導電影《光輝歲月》，情緒才剛平復，昨日卻有報道指Rose開工期間主動與狄龍之子譚俊彥以及米雪姨甥徐偉棟玩到癲，除夕夜劇組於K房開倒數派對，Rose飲酒兼幫徐偉棟點歌，劇組有人更以「小姣」來形容Rose，而同片的陳雅倫則被指是「大姣」。
陳雅倫與莫少聰再見亦是「朋友」，不時合照。
冼國林力斥失實對於以上傳聞，《光》片導演熊欣欣為Rose大反擊，力斥報道無中生有：「Rose喺劇組好聽話、好乖，除咗劇組安排嘅大棚人飯局外，全部時間都係自己留喺酒店房，絕對無話主動黐邊個，呢啲咁嘅報道好傷害一個女仔，但支筆喺人哋度都無辦法，（Rose喺除夕派對上有無飲酒？）無！」Rose 經理人冼國林接受電話訪問指報道失實過分，一張親暱照也沒有便寫了整段報道實在太過誇張，他謂：「我睇十次啲相，都唔會聯想到咁多嘢，（會唔會心痛徒弟畀人咁寫？）可能Rose太純品，圈中太少呢類型嘅女仔，所以成日畀人胡亂咁寫，只好同佢講清者自清。」而Rose公司「國藝」昨亦發聲明撐嘉桓指該報道誇張、扭曲事實，嚴重傷害19歲女子的聲譽並具誹謗成分，令Rose形象帶來負面影響，會保留法律追究權利。
對於「小姣」稱號，經理人公司高層、Rose母親Ronnie表示：「明眼人一睇都知啲相畀人裁過，根本就係一班人食飯，Rose同劇組相處融洽，從無對Rose作出唔禮貌嘅稱呼！」身在雲南的Rose則稱現只想專心工作，不想理任何不實報道。
見莫少聰不尷尬至於同片的陳雅倫坦言因拍《光》片撞到太多舊朋友，加上專注開工練打，以答謝導演、監製為她度身訂造角色，故沒時間去觀察其他新朋友的情況，但亦覺得Rose只是初初出道的小妹妹，大家都不應給她太大壓力。對於無辜地被指是「大姣」，陳雅倫謂：「我唔會理呢啲嘢，得啖笑，我只會諗點樣演好自己啲戲，（同莫少聰多年前傳緋聞，會唔會尷尬？）唔會，我同佢由電影《龍鳳茶樓》開始已經係好好嘅朋友，廿年嚟都有keep住聯絡。」
 |
|
