黎明情人節翹埋手等食

黎明昨日出席慈善活動，再被問及有傳與太太樂基兒「成功造人」，他直言不心急，情人節計劃與太太共享家庭樂，翹起雙手等食住家飯，為保驚喜而拒洩「基物」。

黎明（Leon）昨日出席聯合國兒童基金會舉行的《小畫家大夢想繪畫比賽》活動，他憶述小學時有在老師鼓勵下參加繪畫與朗誦比賽，更因字正腔圓而勇奪全校朗誦冠軍。

唔急做爸爸

對於太太樂基兒頻傳有喜，Leon再三否認：「已經接受娛樂圈嘅新聞方式，鍾意寫幾時有人做媽媽、爸爸，順其自然啦，我唔心急，急都急唔嚟，我急有好劇本（心理Ready？）唔好意思，編造新聞、交料我唔識，我係實事求是，唔叻新聞嘅嘢就最好唔掂。（BB？）要有就自然有。」

問到後日如何與太太慶祝情人節，Leon即故弄玄虛透露活動後即飛上海工作，追問下才知其行程僅得一日，並於情人節前回港，他說：「都係食飯啦，唔會出街！（兩個人煮飯仔？）點會兩個人？佢煮啦，唔好叫我。」

至於禮物方面，Leon透露日前已於電影中睇中心頭好：「未買，喺套戲裏面有份幾得意嘅紀念品會去買。（咩嚟o架？）頸鏈啦！（鑽飾？）送畀女人嘅嘢未送就講晒出嚟就冇意思啦，做藝人有時好尷尬，唔識答男女感情嘅嘢。」

黎明一再否認老婆有喜，對生仔一事順其自然。

返回列表

黎明情人節翹埋手等食

[收藏此主題] [關注此主題的新回復]

[通過 QQ、MSN 分享給朋友]