鍾嘉欣承認低調護龍情

鍾嘉欣前晚出席晚宴，甚少踏足Ball場的她表示無意藉此釣金龜婿，認為另一半的內在美比金錢更重要。說到緋聞男友伍允龍時，嘉欣不諱言雙方關係非常好，似暗示正發展中，但就不肯多講細節，實行低調護愛苗！
無綫花旦鍾嘉欣、Moiselle太子爺陳柏熹和父親陳欽杰、母親徐巧嬌、關心妍與丈夫、何倍倩等前晚出席新界崇德社30周年慶祝晚宴，悉心打扮的嘉欣專程前來支持由她代言的纖體公司的老闆得獎，她自言一向甚少踏足Ball場，問到會否乘機找個男友？自稱單身的她說：「冇諗，今晚可以打扮吓已經好開心。（嚟Ball場搵個金龜婿？）唔會啦，所有人都知我唔介意錢，另一半心地好就得，同埋可以照顧到我。（要唔要對方打得？）都好，可以保護我。」

鍾嘉欣希望找一個心地善良和會照顧她的男友。
「關係非常好」
曾與嘉欣傳過緋聞的男星伍允龍正是「打得」之人，被問到與伍的關係如何？她不諱言：「關係非常好，再進一步係點我就唔講啦，想保持私隱，我對感情事一向低調。（唔會公開關係？）穩定咗公開就OK。（依家未穩定？）我唔識講嘢，唔識應付傳媒，低調啲好。（隱婚？）如果將來結婚一定會公布，想大家關心同祝福我，仲會請大家飲喜酒。」

鍾嘉欣承認與伍允龍的關係非常好。（資料圖片）

關心妍與夫婿楊長智（左二）在晚宴中與陳欽杰（左）及徐巧嬌（右）碰頭。

陳柏熹為朋友甘願剪短髮扮監犯。
而陳柏熹則以一頭短髮示人，自言剪短頭髮是為了朋友，他說：「我有個朋友因為要交功課，要求我客串拍攝一齣藝術片，喺片裏面我要飾演監犯，仲要崩潰嚎哭，為求效果逼真，我惟有努力諗番以前失戀嘅情景，培養情緒。」

返回列表

鍾嘉欣承認低調護龍情

[收藏此主題] [關注此主題的新回復]

[通過 QQ、MSN 分享給朋友]

鍾嘉欣承認 低調護龍情

[收藏此主題] [關注此主題的新回復]

[通過 QQ、MSN 分享給朋友]

鍾嘉欣承認低調護龍情