|
- UID
- 18
- 帖子
- 6658
- 主題
- 6591
- 精華
- 0
- 積分
- 14519
- 金錢
- 177632
- 閱讀權限
- 150
- 來自
- 妈妈的肚子
- 在線時間
- 814 小時
- 註冊時間
- 2011-3-11
- 最後登錄
- 2018-8-26
           
|
GaGa騷前懺悔：吸毒變廢柴
正在港開騷的百變天后Lady GaGa，騷前接受訪問，赤裸裸自揭陰暗面；成名前的人生是一段「Bad Romance」，沉淪毒海又遇感情老千，人生跌落谷底，自覺受毒品支配猶如廢柴！
關於LadyGaGa的一切，實在是極之神秘，原名Stephanie JoanneAngelinaGermanotta的她，於成名前人生陷於低谷，大抵現年26歲的她，當日也從沒想過今天會在國際樂壇呼風喚雨。於美國時間大前日播出、由影星狄美摩亞監製的節目《The Conversation》訪問，GaGa毫不忌諱撕開昔日陰暗面。
毒品令人空虛
遙想19歲出道前，GaGa人生極度失意，當時毅然放棄學業，希望靠才華打入樂壇，可惜事與願違，一時的迷失卻令她誤墮毒海，她在訪問中說：「記得當時屋企只有四面牆同一座鋼琴，真係覺得好寂寞，開始亂諗嘢，當時嘗試吸食可卡因麻醉自己，咁就開始咗吸毒。起初係覺得好正同好Sexy，仲以為毒品可以填補空虛，但後來發現，毒品真係好恐怖！只會令我更空虛！」
GaGa明白毒品只會令她更沉淪，唯一救到她的，就只有自己：「有一次沖涼嗰陣，我用凍水淋落自己度，係咁問自己點解會變成一個『Axxhole』（廢柴）？跟住我就決定戒毒！當時知道要遠離毒品，因為佢哋係白色魔鬼，我唔會再花錢買佢哋，只要集中做音樂就可解決一切。」
床事就晒男友
除了毒品，GaGa在感情路上亦仆到損手爛腳，最不能令她釋懷的，大概是屢次遇上感情騙棍，她說：「約會過年紀大嘅男人，幾次都受到感情極大創傷，仲一度令我對長久嘅關係失去信心！男女關係可以講係我人生中最得人驚嘅事！」
話雖如此，向來大膽開放的她，毫不忌諱大談性經，更愈講愈興奮，坦言喜歡被支配的感覺：「我鍾意喺床上畀人支配嘅感覺，無論甚麼體位，佢鍾意我喺房做乜就做乜，一切由對方話事。」由於形象出位，GaGa亦自認經常被誤會「性開放」：「好多人以為我細細個就好開放，係一個狂人，其實我係一個保守嘅人，到大個咗，先開始享受性愛。」
對婚姻存憧憬
對於婚姻，GaGa貫徹保守觀念，認為結婚是一生一世，還寫包單自己只會結一次婚：「我唔相信離婚，結婚一生人唔會多過一次，我祖父母結婚60年、爹哋媽咪結婚30年，佢哋依然恩愛，我只想日後搵到個伴侶，陪我走過精彩人生！」
GaGa昨晚比日前更遲開騷，疑是受宿醉影響。
|
|
