29歲黃智雯無辜捲風化案

尖沙咀「明星竇」錄音室於本周一凌晨時分，發生23歲女藝人被姦疑案。基於保護受害女子條例，有關消息只透露受害女星特徵，未公開身份，惹來全城猜測。
外間除針對23歲年齡範圍女星外，29歲的無綫小花黃智雯（Mandy）更一度被猜疑是受害者。連日來忙於拍劇的她昨日接受電話訪問時說：「梗係唔係我啦！嗰晚我同羅仲謙喺公司拍緊《巴不得媽媽》到半夜，咁攰都即刻返屋企。同埋我唔識嗰個人，又冇去過所講嘅錄音室。」Mandy坦言公司曾為此事向她了解，亦有不少朋友來電問候，奈何一直忙於開工未有接聽，令一眾朋友非常擔心。
現年25歲的樂瞳昨日亦透露有收到很多來電：「我冇選過美，同埋唔會半夜走去密室同人傾偈囉！」20歲的模特兒陳苑晴表示：「我都唔係無綫人，無論件事係咪真，雙方都有責任，咁夜去一個異性朋友度要好小心。」至於選美出身的胡中慧、甄敏婷及蔡慧欣坦言不認識錄音室負責人，平日唱歌會到安全的地方。