返回列表 發帖

靚靚呷醋要努力生女


袁詠儀、森美、杜汶澤及麥玲玲 為“親子餅印大賽”擔任評判。
    囝囝唔黐身
    靚靚呷醋要努力生女
    最近與內地斟拍電視劇的袁詠儀(靚靚)昨日談到親子活動時,坦言很努力融入囝囝的世界,但兒子竟老實的謂所有男孩都愛黐父親,弄得她很想盡快生個女。
    昨日與羅霖、童愛玲、森美、杜汶澤及麥玲玲等一同為“親子餅印大賽”擔任評判的靚靚,看到台上親子表演時大拍手掌,十分投入。事後她坦言孩子是最純真的,亦可從孩子的表現看出父母投放的心血以及時間,問她是否經常進行親子活動?她笑道:“我好盡力同個仔玩,但佢唔睬我,只同佢爹哋玩。所以昨日我好誠懇問兒子點解唔鍾意同我玩,佢竟然老氣橫秋咁話所有細路仔都鍾意黐爹哋!(咁你快些生返個女啦!)我在努力緊,承你貴言。”
    另外,談到老公張智霖早前透露她正傾拍內地劇集,她謂暫時在某一項條件上未有共識,故仍在考慮當中。提到無線監製莊偉健早前透露想開拍一套類似《富貴門》的家族情仇新劇,並打算找靚靚及郭可盈演出?靚靚說:“莊偉健根本就冇接觸過我,而且此劇只是他的構思,根本未落實拍攝。但據知是一個年代戲,我對年代戲不感興趣,因要花好多時間化妝梳頭。我會揀時裝戲,因為可以隨時返出來做自己嘢。”

返回列表