熊黛林斥偷拍落簾免洩「肉」

名模熊黛林（Lynn）昨日出席天梭錶旗艦店開幕，談及黃宗澤在家被偷拍，她表示十分驚慌，並自爆向來習慣拉上窗簾：「着得唔靚會畀人講，但喺屋企冇理由着晚裝，着家居服一定唔靚。（喺屋企會唔會好性感？）一定會，我唔開冷氣，所以會着少啲。」她認為藝人連在家也欠缺私隱，還要被「寫衰」，很不公平。期間，Lynn的鎖骨位置被發現有疑似咖喱雞，她澄清只是撞到，問到是否被嘴唇撞親？她開玩笑說：「咁個嘴唇會流晒血喎！我好小心，唔係細路仔。（咖喱雞？）唔係浪漫，只會阻住做嘢，同會畀人笑！」

同場的Jessica C.與男友Sergio情侶檔行騷，談及偷拍事件，她說：「聽到好緊張，我一向拉窗簾，因為想保留私隱。」而Sergio則踢爆女友在家會裸體。