黃婉曼爆出幕前性感痣步

去年圈中冒起一位擁有F Cup上圍的女星，但不會拋胸賣弄性感，更Set定心口的痣為性感底線；有機會拍戲行騷，但拒絕同人爭飯食；有拖拍會公開承認，還坦言視伴侶為結婚對象……最奇怪的是她依然被網民捧為新一代女神，她的名字是黃婉曼。

事業篇

要解釋曾任「天氣女郎」的黃婉曼（Icy）人氣彈起，不能不多謝一班看穿她擁有36F上圍的眼利網民，更將她報告天氣的相片「惡搞」，繼而再捧她榮登「天氣女神」寶座，成功上位！雖然Icy多次強調不行性感，但當她早前以V領開胸紅裙亮相後，身材果真一「露」驚人，令上位中的她人氣更加急升！可惜當事人竟為「紅衫事件」感到內疚，更哭了一整晚：「我的確有試過條裙，不過當時唔覺得咁性感，但唔知點解到出場嗰日就發現好似性感過頭，之後仲想用大會貼紙黐實心口，不過老闆話：『着得上去就要大方啲！』之後先硬住頭皮見人！活動之後，可能人哋以為我可以行性感，係多咗人搵我做嘢，不過我都推晒！其實我嘅性感底線，就係見唔到我心口嗰粒痣！」

「露出嚟係羞恥」

訪問中，「性感」兩字最能挑起Icy的神經，她認真地說：「我由小學5年級開始發育，由細到大就算去泳池，莫講話着三點式，就連泳衣都唔會着！可能我係潮州人，思想觀念都比較保守，覺得身體就係自己私隱嘅一部分，露出嚟係一種羞恥！家人雖然唔反對我報天氣，不過佢哋都唔係太想我入娛樂圈！如果有人叫我行騷，我亦會覺得人哋先係專業Model，唔好同人爭飯食，所以拍戲同行騷都唔係我工作考慮嘅首選！」

「唔鍾意太死板」

既然不想出位，為何還留守幕前？原來出身於新聞系的Icy，最大的理想是將知識帶給觀眾：「我以前冇諗過報天氣，不過有咁嘅機會咪試吓囉！都算帶資訊畀人吖！不過我唔鍾意太死板，所以就臨場諗到『跳出香港』呢一句。而主持世界盃節目同《撳錢》，都係一啲可以帶到智慧性嘅節目，感覺輕輕鬆鬆，OK喎！」最近她推出新書，打正旗號叫《私密報告》，即引來宅男追捧，她笑說：「本書講我點樣由『豬扒』變做幕前主播，分享吓內心感受，同埋會有自己以前嘅相同大家分享！（情史呢？）出續集先寫啦！」

感情篇

擔任「天氣女郎」時，Icy已被揭與無綫攝影師拍拖，最近宣布回復單身不久，又再度被踢爆有新戀情！雖然在感情路上，Icy的伴侶看似接二連三，相當精彩，但她對愛情、婚姻觀都看得很重：「直到目前為止，我拍過4至5次拖，咁算唔算多？其實我拍拖好隨緣，一拍就會視對方為另一半嘅目標，就算係上一個都有衡量過結婚！雖然依家分開咗，不過我覺得佢係一個同我一齊成長過嘅人，而且我哋仲可以做番朋友，點解傳媒要寫到佢係『窮仔』？咁講好Hurt佢！好彩大家之後都有打電話講番清楚，而佢都明白！」

「家庭放第一位」

提到新戀情，Icy表示不是不想公開拍拖，但着眼點是尊重對方，並以他為重：「佢始終唔係圈中人，好驚佢受到好大壓力！如果要我將事業同家庭定位，家庭一定會係第一位，就算以前我讀書，都好似係要為教育下一代，期望嘅婚姻同家庭生活一定係相夫教子！」她更幻想他日當模範太太時的景象：「一早起身會煮早餐畀老公仔女食，然後老公返咗工，我就送仔女返學……如果閒時就想寫吓嘢當細藝，不過一定咩都會以屋企行先！」

Icy擺起甫士有點生硬，但可愛處莫過於此。

黃婉曼憑主持天氣報告爆出，後來進軍幕前，主持世界盃及遊戲節目。

Icy心口對上的一粒痣，應該是她所指的性感底線。

返回列表

黃婉曼爆出幕前性感痣步

[收藏此主題] [關注此主題的新回復]

[通過 QQ、MSN 分享給朋友]