Jeana寸嘴捱打

前晚何佩瑜（Jeana）與Hidy打邊爐慶祝寫真大賣，谷胸上陣的Jeana手持慰問卡，揚言要化解與眾模的恩怨：「知大家攰，天口熱大家又興，有少少心意送畀大家，我知嚟緊條路好難行！」但轉頭又發表寸嘴宣言：「我有相熟迷你倉，如果啲人有嘢賣唔晒，可以問我攞半價優惠。」Hidy則拿「打狗棒」扑Jeana，笑言要幫大家懲罰她：「連日來太過分！要叫佢收聲！」對於趙碩之嫌其寫真只賣一蚊不值交換，Jeana指是誤會，希望對方收卡後專心工作，河水不犯井水：「好開心連日咁多姊妹每日提住我！（陳靜師妹Iris、Monna提議你驗胸？）搵日一齊驗囉！叫佢畀個Discount，佢驗開嘛！」

此外，碩之今日將在遊艇搞慶功，問到會否驚被Jeana指抄橋？她說：「唔會！遊艇係公司唔係借，三年前出寫真都上過遊艇，有感情。」而陳靜會等寫真推出滿一個月才慶功，指分紅理想夠去日本Shopping。