|
- UID
- 18
- 帖子
- 6658
- 主題
- 6591
- 精華
- 0
- 積分
- 14519
- 金錢
- 177632
- 閱讀權限
- 150
- 來自
- 妈妈的肚子
- 在線時間
- 814 小時
- 註冊時間
- 2011-3-11
- 最後登錄
- 2018-8-26
           
|
范太諷曾蔭權：揸車個人唔一定聽
全國人大常委范徐麗泰昨解讀港澳辦主任王光亞「成也英國，敗也英國」的言論，認為並非真正批評本港公務員，而是指「有公務員背景，但今日就做咗香港領袖嘅人」，矛頭直指公務員出身、並身為英國爵士的曾蔭權。她認為王光亞批評曾蔭權亦「不足為奇」，促對方「有則改之，無則加勉」，並以教車師傅為比喻：「教車師傅喺旁邊講，但揸車嗰個人唔一定聽，因為佢已經唔係學車，已經有牌。」似在暗諷曾蔭權未必能領悟王光亞教誨。
王光亞早前批評本港公務員只識執行，不懂長遠規劃及做Boss（老闆），「成也英國，敗也英國」，不少政界人士認為是針對曾蔭權，但亦有個別建制派人士否認。范太昨罕有地以港區全國人大代表身份出席曾蔭權的施政報告諮詢會，會後更主動接受傳媒訪問，前後答了不下二十條問題，中英並用，全長共三十五分鐘，儼如個人記者會，明顯是有備而來，有話要講。
非真正批評公務員
范太讚揚公務員隊伍廉潔有效，與全球的公務員比較毫不遜色，但他們的職責根本並非做老闆，相信王光亞並非真正批評公務員，而是由於「好多香港公務員，做咗司長、局長、特首後」，長遠規劃方面不足，言論可能是「指係有公務員背景，但今日做咗香港領袖嘅人士」。問及是否指曾蔭權，她說：「我相信特首有公務員背景，即使佢話係特首，亦不足為奇。」
范太解釋，香港是外向型經濟，不同內地地廣人多，每五年便一次施政規劃，王光亞以內地角度出發難免認為香港缺乏長遠規劃。她認為曾蔭權應有憂患意識，「自己去諗吓有冇不足之處，有則改之，無則加勉」，「如果睇唔到呢個角度，咪由佢囉！」「教車師傅喺旁邊講，但揸車嗰個人唔一定聽，因為佢已經唔係學車，已經有牌」。
范太早前不點名批評另一疑似特首候選人行政會議召集人梁振英只懂空談施政理念，反被對方暗批從沒詳細交代政綱。范太昨日再隔空反駁，指任何人宣布參選特首前，都不應以「散件」形式發表政綱：「我唔喜歡人喺每一個小節上講一番說話，講完之後大家覺得好動聽」，「如果要拎政綱，就要成套拎出嚟，唔希望點點滴滴咁，睇唔到全盤計劃」，「如果我日後做唔到，我就唔會講。」
問及她過往甚少出席類似諮詢會，是否為擬備政綱「攞料」，范太笑說「以往一係唔喺香港，一係有事，今日咁啱返到嚟又冇乜事做」，遂出席諮詢會。她重申仍未決定是否參選。
對於港人要求范太及全國人大常委會對溫州動車追撞事故進行獨立調查，她表示已於上月三十日去信全國人大副委員長李建國，反映意見，又要求將調查報告公開，再交由人大常委會審議。
范太指王光亞是在批評「有公務員背景，但今日就做咗香港領袖嘅人」，矛頭直指曾蔭權。
|
|
