返回列表 發帖

12星座上司的不同之處

★白羊座:

白羊的阿頭最難頂的地方就梗係唯我獨尊啦!其實跟佢搵食話難唔難、話易唔易,講到尾最緊要識做人,無論你幾叻,佢都唔會覺得你叻得過佢,如果你功高蓋主就實會畀佢 out,所以無論佢得唔得,你都千祈咪話佢唔得!佢善意都唔接受架!






★金牛座:

呢位阿頭好悠閒,做事亦都好勤力,對下屬亦都非常之咁好,不過你跟得佢耐會發覺呢位老細真係冇乜上進心,而且對事情的發展都係傾向採用息事寧人嘅方法,如果你本身冇乜野心就冇問題,如果有你會覺得金牛上司太懦弱啦!






★雙子座:

對住呢位阿頭基本上少d心血都會死,佢成日諗頭多多,但係每次都係開個頭就交晒畀你班下屬執手尾,一樣未完成又想攪第二樣!而且份人又超神經質,今日笑口噬噬同你有講有笑,聽日突然冇厘頭苦溜溜,佢嘅心情同個天一樣咁難測!






★巨蟹座:

基本上呢位阿頭無事無幹發生,公司無乜大變動,佢都係一個好好的上司,佢會好照顧大家,又肯認真教你,不過正如頭先交代話冇事就好,萬一一個唔好彩公司有乜變動:裁員或者搵人背鑊之類,佢會為自保而犧牲你,咪天真以為佢會照你!






★獅子座:

雖然話獅子座本身的行為舉止都已經有d難頂,不過老實講,如果話到做上司,佢其實幾好架,佢會照住d下屬,仲要係不惜犧牲自己,而且好會畀機會大家,當然!佢不時仍然會做d難頂事過你睇!隻眼開隻眼閉,讚佢多d啦!






★處女座:

比起白羊座阿頭佢仲難頂d!佢同白羊座一樣都係唔受得批評,唔話得之餘,但又鬼死咁鍾意話你喎!樣樣都睇唔過眼,淨係識話你唔識話自己!講真又真係好難頂,不過跟得佢你又可以響佢身上學到好多知識,算係先苦後甜啦!






★天秤座:

呢位阿頭其實好好人,不過跟住佢搵食你會覺得佢處事太過軟弱,講真做朋友做同事的話,佢份人又優雅,又肯聽人講,大家打成一片有講有笑邊個唔鍾意,但係一講到叫佢幫你 fight 人工,爭取福利佢就比較難,仲成日畀其他阿頭蝦,唉...






★天蠍座:

跟著呢位阿頭你真係要好好打醒十二分精神,佢鐵面無私,下屬對佢來講係完成佢野心的一部分,你個人衰格都冇所謂,最緊要交到貨,一旦佢發現你冇乜利用價值,唔好意思就請你接大信封,不過你幫到佢,佢一定會論功行賞,仲有千祈咪出賣佢!






★人馬座:

人馬阿頭份人傻下傻下,同佢一齊工作其實都幾開心,不過開心還開心,你要有心理準備就係幾時都要 stand    by 候命,事關呢位阿頭好需要人照顧,但係到你想搵佢幫下手時,佢又會失晒蹤,所以只有那些自命天生工作狂先頂得佢住!






★山羊座:

其實要跟山羊阿頭平安相處係好簡單,只要你明白係返緊工,抱住搵食唔係講感情就冇問題。事關山羊阿頭份人不苟言笑,日日都黑口黑面,柄埋響房做到隻狗仲要你陪埋佢做狗,只要你適量地扮勤力,尊重下佢,基本上就冇問題!






★水瓶座:

要同佢相處話難唔難話易唔易,易的地方係水瓶阿頭係最易同身邊的人打成一片,佢接受批評、採納意見,不過你永遠睇唔通佢到底諗緊d乜,而且就算大家好似好 friend 咁,你都總係覺得佢份人冷冷漠漠,有份睇唔到嘅距離感,跟佢都要保持警覺!






★雙魚座:

跟著呢位雙魚阿頭響「私」方面冇乜問題,因為佢份人一d都唔難相處,不過咪開心住!講到「公」囉喎,就弊傢伙!雙魚做事一向粗心大意,成日雲遊,你跟得佢咪駛旨意做幫你守尾門,玩下手係你幫佢執手尾,仲要一大堆嗰種!


上帝要你滅亡,必先令你瘋狂

返回列表