想一段感情維繫得好，除咗要包容同體諒對方之外，絕對需要製造一些小驚喜！等CG!教你4招，包保男友錫到你燶！
浪漫滿屋
買一個三層架回家，親手造一些甜點/鹹點，然後砌到靚一靚，例如法式焦糖燉蛋、巴馬火腿Pizza等，再預備香薰爉燭，與他過一個甜蜜又浪漫的下午！當然，唔使全部自己整晒，有一、兩樣係你整已經好夠喇！
（法式焦糖燉蛋、巴馬火腿Pizza食譜可按此：http://www.disanna.com/viewthread.php?tid=148615&extra、http://www.disanna.com/viewthread.php?tid=148616&extra=
如果你完全唔識整嘢食，可以買一些甜點及鹹點回來，然後將生果整成特別的形狀，例如將西瓜整成心形，又或者用芒果整朵玫瑰花！
善用memo紙
當你察覺男友唔開心，唔一定要問佢點解，你可以偷偷地放盒佢鍾意食嘅朱古力落佢個袋，並貼上memo紙，寫上甜蜜語句，例如：「見你好似唔開心，食完包你開心晒！」又或者你可以將小禮物放於他房間中的不同地方，並貼上memo紙，等佢突然發現！你知啦！男生唔開心大多唔鍾意講出嚟，尤其係工作上嘅煩惱，所以你唔逼佢講原因，只係以行動支持 / 氹佢，佢反而覺得你更加sweet！
突然現身
如果你同佢啲老死熟絡，可以喺一啲特別嘅日子同佢啲fd夾定你會突然現身，例如拍拖半年、生日搭正十二點時帶着蛋糕㩒門鐘，佢一定會好surprise！
偷偷換上新床單如果男友獨居，或者你已熟到有佢屋企鎖匙，喺男友不在家時，將買給他的新床單換好，等佢一返嚟，就請佢到房間中搵他的新禮物在哪裏！不過要注意，如果男友同屋企人住，而佢母親係呷醋媽媽，就唔好用呢個方法喇！（ | 
