|
  
- UID
- 26491
- 帖子
- 5158
- 主題
- 2204
- 精華
- 0
- 積分
- 9446
- 金錢
- 139127
- 閱讀權限
- 100
- 在線時間
- 189 小時
- 註冊時間
- 2012-10-11
- 最後登錄
- 2014-9-6
                      
|
關於轉工嘅五大迷思
啱啱畢業踏入社會，大家可能都未摸清楚自己嘅路向，搵到工之後，發現唔啱自己，想轉工，又驚要背負住「後生唔捱得」、「太jumpy唔夠踏實」嘅罪名，嚴重嘅，甚至驚會「劃花咗自己個底」影響日後搵工。
究竟，咩情況下先應該轉工，如果經常轉工，張CV要點寫先可以「好好睇睇」？CG!請嚟喺大學任職就業顧問嘅Grace，幫大家解答一眾有關轉工嘅疑問。
疑問1：如果只有好短嘅working experience，就算在大公司工作，是不是也不應該寫進CV，以免令人覺得自己太jumpy而影響面試/被取錄機會？
其實應該寫落CV，因為：- 唔係人人有機會搵到工，有僱主請過，總算有點市場價值，總比毫無經驗的人好；
- 如果係喺大公司做，更表示你是曾經過五關、斬六將而跑出嘅「堅料」 ：「xx大集團都請得，應該唔會太差， 就約佢見吓……」；
- 如果唔寫嘅話，呢段空窗期你做緊咩？去旅行？ 屋企有事？ 藉口來來去去就得三兩個， 可以解得通嗎？人哋會覺得你見咗好多份工都無人請，費事浪費時間見你。
疑問2：上一份工做了幾個月便辭職，見工時該坦白說出辭職理由？還是應該避過不提這段工作經驗？
不建議隱瞞這段工作經驗(可參閱疑問1第3點)，不過，經常轉工好容易俾人一個無承擔嘅感覺， 覺得你「根本不知自己想點」、「呢個人一定好揀擇」， 或更嚴重覺得你「辦事能力有問題」。建議先俾每個工作機會一年時間，因為只要做多過1年，喺CV上已經好睇好多。疑問3：見工時被問及「點解要轉工？」、「上一份工點解做咗咁短時間就轉？」，應該點答？
如果上一份工是因為工作環境差、 無發展機會等種種原因而辭職， 面試時，最好以一個較客觀嘅態度，先說明上一份工同你原來期望嘅差距，以及你希望更能發揮的地方，繼而將重點放喺自己呢段時間所學到的各種行業知識和技能（最好係對未來僱主有利的）。
最緊要係，你嘅態度要積極、正面，千祈唔好講前僱主或同事嘅任何不是，因為對方會覺得，將來你都可能會咁「唱衰」自己，況且佢都唔想請個大喇叭返公司。
疑問4：有人話，經常轉工會俾僱主一個壞印象，每份工起碼要做夠一年（甚至三年）以上才可以轉，係咪真架？
返工頭幾個月覺得有問題，可能係因為你遇到淡季， 無太多實戰機會， 又或者是全年的peak season， 做到氣咳。如果可以試試經歷成年的變化， 你嘅決定可能會很不一樣，又或者發覺真係非轉工不可。
當做夠一年，搵工時你都有一整年嘅經驗做後盾， 好似舉例說明自己嘅強項時， 會有更多日常工作中的小故事俾你發揮。亦有人話每份工做夠三年先轉， 大概係基於呢個邏輯：通常每份新工的第一年是學習、適應期； 第二年是了解、發揮期； 而第三年係提出建議同為升職做準備。 當然，每個人嘅經驗、能力及際遇都不一樣， 幾時係最佳轉工時間，不可以一概而論。
疑問5：我的工作很適合自己，也很穩定，但人哋話「魚唔過塘唔肥」，是不是應該趁後生轉吓工，提高升職和加薪的機會？
如果你對現時的工作十份滿意，恭喜你！雖則話「魚唔過塘唔肥」，但要諗吓，轉工對升職加薪有無幫助先？如果為轉工而轉工， 就等於為結婚而結婚一樣， 你根本唔知自己想要啲乜， 只會變成「災難式轉工」。
轉工前， 最好仔細分析過兩份工嘅優劣，喺名利以外嘅學習同發揮機會又係點呢？我就親眼見過為了多三兩千人工就放棄熟悉嘅工作， 人工係加咗， 但有返工無放工；又有人試過升咗職， 但只是一人部門。轉工不是問題， 最緊要係搞清楚呢個係咪right move？ |
|
