 【太陽報專訊】農曆新年就快到，談到新年願望，高海寧（高Ling）希望買樓，但由於樓價太高，她表示要勤力「撲水」，但又自嘲太老，無法接泳衣騷「搵真銀」，似乎有意退出水着界！
無綫藝人高海寧、錢小豪及湯盈盈等前晚在電視廣播城錄影新春節目《保良金馬賀新春》，保良局副主席蔡李惠莉博士及梁安琪均有出席。以密實Look示人的高Ling表示，原本農曆初一至初三有三日假，但她不想放：「經理人問我有Job接唔接，我話梗係接！我嘅新年願望係買樓，雖然講咗幾年，但我想30歲前有兩層樓揸手。」
高Ling又指今年27歲，卻一層樓也沒有，之前看中一個風水靚單位，怎料到開賣時竟加價50萬元，她無奈地說：「我去邊度搵多50萬出嚟呀？點買呀！」記者提議她狂接泳衣騷搵銀，她即自嘲太老：「唔啦！依家着少啲出嚟見人都唔舒服！」問到會否告別泳衣騷？她說：「睇價錢啦！但依家咁多後生女，A到E Cup都有，我企埋去成個阿姨咁喇！」
錢小豪望再拍劇至於錢小豪最近則頻頻亮相無綫活動，他坦言如有機會想再拍劇集：「一個禮拜返咗嚟4日，見番好多老朋友，好開心。（高層有冇斟你拍劇？）未，但就經常叫我返嚟，之前仲上埋《勁歌金曲》，我都估唔到，哈哈！唔可以輸畀細佬錢嘉樂，佢有得喺紅館開演唱會，我都有得上《勁歌》！」他又透露農曆新年間會與兒子去旅行。 | 
