 (綜合報道)(星島日報報道)由王晶執導、劉偉強監製的賀歲片《賭城風雲》，請來周潤發、謝霆鋒、杜汶澤等演出，可謂卡士強勁。過去王晶曾炮製不少受歡迎的賭片，更創造多個出色的搞笑人物。今次飾演牛必勝搞笑角色的杜汶澤，戲中的他艷福不淺被女圍外，既又要捱打。阿澤笑言自己不夠謝霆鋒靚仔，於是為了突圍而抄足當年張家輝扮演的「化骨龍」。
杜汶澤笑言既有神級的發哥「周潤發」，又有靚仔有型的謝霆鋒，故少不免自己在戲內負責搞笑，但他大讚霆鋒也有搞笑潛質。他說：「戲中霆鋒其實好醒，就扮豬頭丙，而我就調返轉，所以我覺得霆鋒原來做喜劇幾好睇。」對於今次演繹牛必勝搞笑角色，阿澤笑言主要抄足深受歡迎的「化骨龍」。他說：「最鍾意睇的賭片《賭俠1999》，就是覺得張家輝最好笑。知道當時他的對手是劉德華喎！同華仔鬥咪棧死。唔通家輝唔靚仔咩？我又唔靚仔咩？不過我唔夠霆鋒靚仔。哈哈！所以我仲唔抄足『化骨龍』。」
同樣跟發哥一樣熱愛攝影的杜汶澤，笑言因合作《賭城風雲》關係，更被對方荼毒。他說：「我以前影135菲林，自從拍完這套戲之後轉了影120菲林，底片就愈來愈大，一闊三大啦！愈來愈貴，不過剛剛好學完可以幫老婆影唱片封面，所以又有藉口買過兩部相機，被老婆鬧到飛起。」
與時並進
有多次製作賭片題材的王晶，坦言今次以全新世代背景拍攝賀歲片《賭城風雲》，與過往相當截然不同。他說：「90年代的電影《賭神》，大家會見到覺得那些人是賭錢博命的江湖仔女，輸到無埋老婆仔女，手腳又無埋。事隔20年後的今日，澳門賭場都不會再有一些江湖人物的地方，而是一家大小一齊去睇騷、住好靚的酒店、Shopping。既然這個行業發展咁好，我們又怎能返回以前的概念呢！今次周潤發飾演一個由拉斯維加斯賭場退休回流返來的總顧問，他識得好高科技，根本唔使搏命，藉着高科技好有把握贏人。相信只是觀眾會為他擔心，令觀眾覺得與時並進。」 | 
