【睇英超學英文】車仔5 consecutive wins？
最近在一次家庭聚會中，留學英國的細佬話下次請我去奧脫福睇曼聯。阿叔即插嘴道：「曼聯out左啦！梗係睇榜首嘅車路士對曼城啦！」犀利！
的確，依家車路士走勢凌厲，連續4戰贏波（Four consecutive wins），最主要是買啱兩個人。第一個當然係當紅射手迪亞高哥斯達，連續4場有波入之餘更射入7球之多，入球率奇高，而第二個為法比加斯，4場6個助攻，完完全全融入了車路士的體系當中。
Consecutive為形容詞，意即連續，用以形容名詞。如果想話一個連續動作，隨了可加-ly成consecutively外，亦可用back to back。例如：I saw four movies back to back.（我連續看了4套戲。）
不過，雖然車仔的入球數字奇高，但失球數字都唔低。依家車仔係頭10位當中失球最高的一隊，與阿仙奴並列，各失6球。一旦迪亞高哥斯達啞火或再受傷，車仔便有可能失分了。周日對手是強隊曼城，曼城4場只失4球，後防算不上銅牆鐵壁，但都較為穩健，迪亞高哥斯達能否繼續score，還是會斷纜呢？
 |
