返回列表 發帖

[明星] 簡淑兒為無國界義工做花女


        






簡淑兒同蔡國威今日喺尖沙嘴出席無國界義工舉辦嘅《第十五屆.跨世紀長者婚禮》活動,佢哋仲為長者們做花仔、花女,蔡國威笑謂:「最緊要佢哋唔好嫌棄我呢個大叔花仔。」
簡淑兒就係第一次做花女:「3年前我都有幫呢個活動做司儀,嗰時都係第一次做司儀,我畀咗好多第一次無國界義工。」
問到佢哋會唔會想將來年長都可以再同另一半影婚紗相?簡淑兒話:「最好可以年年影,keep住提自己要減肥。同埋老咗,由愛情變做感情,咁唔可能一世都咁熱戀㗎嘛,嗰種定落嚟嘅感覺更加難得。」蔡國威都話老咗再影,感情會更加昇華。



提到佢哋有份演出嘅電視劇《大帥哥》就嚟出街,蔡國威話:「好期待呀,等咗年幾,呢個檔期幾好呀,喺聖誕前睇幾開心。」簡淑兒就大讚同劇嘅張衞健好好:「佢有爆肚,但係會幫你諗埋點接對白,好識就住對手。」
1

評分人數

  • waterpool

有意義 ~~~

TOP

返回列表