小花俠論壇 - Powered by Discuz! Board

標題: 樂基兒面脹肚凸暗示明年生 [打印本頁]

作者: lwl2007 時間: 2011-8-7 14:29 標題: 樂基兒面脹肚凸暗示明年生

樂基兒（Gaile）與黎明一向愛低調，連結婚也未有公布。弗爆的Gaile昨日突然「走樣」，脹爆身形行騷，直認增磅5公斤，又暗示明年生BB，即惹來有喜疑雲！

自08年在美國秘密註冊結婚後，樂基兒（Gaile）與黎明（Leon）雖屢次被傳成功造人，但仍未見有着落。不過，早前赴美國度假的Gaile昨日到中環為I.T旗下品牌Tsumori Chisato 2011秋冬時裝騷行騷，全身突然豐滿不少外，穿上6吋高踭鞋的她步上長樓梯時更需要攙扶！其實她自四月至今體形不斷起變化，加上昨日的豐滿體態，可謂孕味甚濃！

揚言現階段無意減肥

不過，閉關一個多月的Gaile未有公布喜訊，但直認磅數激增5公斤（約11磅），還揚言無意減磅，似為佗BB而谷肥：「之前去咗美國幾個月，因為妹妹高中畢業，今次同屋企人一齊好開心，食咗好多嘢，肥咗5 kg！我唔打算減，開心就得，依家冇行騷好難減番以前嘅身形，同埋年紀大啲唔需要咁瘦。（Leon鍾意你肥定瘦？）佢冇所謂，最緊要健康同開心。」但不肯透露Leon有否赴美跟她會合。

提到生BB一事，Gaile直認有計劃，還暗示明年隨時做媽咪：「一步一步嚟。（諗住肥啲留番啲營養畀BB？）生BB前反而要減咗肥先，如果唔係生完會好難減。（生仔有壓力？）唔會，都未嘗試！如果有BB我會講，我好誠實。（Leon又開演唱會？）好似有計劃，但我未知。（夾時間造人？）下年先。（心急？）唔心急，可以等多一、兩年。」

斥「生唔到」傳言刻薄

對於有傳「生唔到」，Gaile斥傳言刻薄：「要咁寫都冇辦法，一時話我生唔到，一時又話我大肚，唔識我嘅人寫啲從來都未發生嘅嘢都幾刻薄。（Leon睇到報道會唔開心？）唔會！唔會放喺心度，成日畀人寫，同一套衫，有人話我有，有人話生唔到。」

行騷期間，大會安排Gaile完騷時拖着一名小朋友出場，但最後因小朋友扭計而告吹，她只好獨自行騷。另外，Leon昨晚到澳門擔任歌唱家陳思思的演唱會嘉賓，同場還有周杰倫。

8月暴脹
樂基兒由美國返港出席活動，面腫腫兼肚凸凸，似足懷胎多月的孕婦！

4月索爆
樂基兒由四月開始身形突變，由苗條變腹部微凸，令懷孕傳聞甚囂塵上！

6月微凸

作者: lwl2007 時間: 2011-8-7 14:30

疑有喜脹爆醫生：似乎重咗啲

貴為「天王嫂」的樂基兒突然增重十多磅，婦科醫生余啟文表示一般婦女懷孕全期的體重會增加25至30磅，至於懷孕初期的肥胖速度則因人而異，部分孕婦會因作嘔作悶而令體重下降，並多數出現水腫情況，他解釋：「一般子宮離開盆腔到見肚，最少要三至四個月，如果肥咗十幾磅就似乎重咗啲，但呢樣每個人唔同。現今醫學唔用體重嚟衡量BB健康定唔健康，反而會摸吓個肚嘅大細同照超聲波。」

可能着高踭鞋企得耐見攰，樂基兒不時坐低。

作者: lwl2007 時間: 2011-8-7 14:31

突轉口風　隨時搞掂

黎明與樂基兒婚後經常傳出「喜訊」，但多次遭兩人否認，語氣肯定，去年他更發揮「金句王」本色：「有計劃都唔同你講，你又唔係我老婆。」不過今年二月，樂基兒突然轉口風：「將來若造人不成功，不排除接受人工受孕！」直到五月，她出席公開活動親口否認老公黎明為工作而延遲生育大計的傳聞，看來明年真的有機會「喜事成真」。

黎明、樂基兒

作者: 藍月亮 時間: 2011-8-13 10:40

真係肥左好多咁

歡迎光臨小花俠論壇 (http://disanna.com/)