標題: GiGi獨守閨房攬貓陪瞓 [打印本頁]

---

作者: lwl2007    時間: 2011-8-11 13:03     標題: GiGi獨守閨房攬貓陪瞓

梁詠琪（GiGi）早前以七位數接拍內地某品牌床上用品硬照廣告，穿上多套優雅背心連身裙的她擺出各種睡姿，她說：「拍呢個廣告拍得好舒服，因為全程只係瞓喺度拍，舒服到差啲瞓着！」拍攝完畢後，廣告商更送贈一套龍鳳被給GiGi，祝她早日覓得如意郎君！

與外籍男友Matthew分手至今仍是單身的GiGi，坦言非常多謝廣告商的好意，但她表示不心急搵另一半：「有緣嘅自然會遇到，冇得強求！」經常獨守閨房的她被問到可希望被強而有力的臂彎擁着甜蜜入睡？她哈哈大笑說：「唔使啦！我每晚都有兩位『帥哥』陪住瞓o架，就係我兩隻愛貓，佢哋仲係冬天最好嘅保暖攬枕添！」

                                                                                                                                           
GiGi笑言有貓陪瞓，毋須急於搵另一半。


                                                                                                              
GiGi獲廣告商送贈一套龍鳳被，祝她早日覓得如意郎君。

---

歡迎光臨 小花俠論壇 (http://disanna.com/)

Powered by Discuz! 7.2