Board logo

標題: 廖碧兒：狗仔都冇時間見 [打印本頁]
作者: lwl2007    時間: 2011-8-11 13:05     標題: 廖碧兒：狗仔都冇時間見

日前有報道林忠豪搭上人妻而狠「飛」廖碧兒，又指廖碧兒主動找舊愛陳豪欲以情侶檔搵銀。對此，廖碧兒表示不是事實不回應，更揚言專注工作，忙得冇時間見狗仔。

廖碧兒（Bernice）、楊采妮與趙哲妤昨日出席活動時，被問到可有看過該報道，她說：「我都唔知，今日經理人公司有講畀我聽。（咁你係咪畀人飛？）唔知係咩事，唔係事實嘅嘢唔回應。（咩唔係事實？）我依家專注工作。我完全冇同Moses（陳豪）聯絡。（你依家嘅感情生活係點？）冇乜，我連啲狗仔都冇時間見，冇時間拍拖。（同林生呢？）有朋友式嘅聯絡，但最近冇聯絡。（林生最近識咗新女友？）人哋嘅嘢唔回應。」

問到是否找陳豪情侶檔搵銀，她說：「我嘅工作唔係自己安排，我同Moses私底下冇聯絡，我離開咗舊公司，而且Connection（聯絡）好困難。如果見到面都會打招呼。（你主動搵番佢？）我都係第一次聽，唔係事實唔回應。（對佢冇Feel？）同佢係朋友。（你Send SMS搵佢？）我冇，對於嗰啲報道，總之一句，清者自清。」

林忠豪發聲明澄清

此外，林忠豪亦發聲明指報道失實，會保留法律追究權利。他接受電話訪問時說：「好憤怒，人妻係假嘅，嗰個係我好朋友嘅太太，佢係潮州商會青年委員會副主席，我係委員，所以先一齊去，大家都唔同枱。我冇唔聽Bernice電話，絕對唔會唔聽佢電話，冇話佢拜金，冇玩厭呢件事。我哋嘅關係由頭到尾都冇變過。唔想再有呢啲失實報道抹黑佢，令到我極度心痛。」

                                                                                                                                             
廖碧兒強調清者自清，不欲多談陳豪。


                                                                                                                
林忠豪發聲明澄清，斥責報道失實。（資料圖片）


                                                                                                                
廖碧兒表示工作忙，完全沒有與陳豪聯絡。


                                                                                                              
楊采妮坦言感情事隨心，要到關鍵時刻才會有決定。


                                                                                                                
趙哲妤盛裝出席活動，引人注目。




歡迎光臨 小花俠論壇 (http://disanna.com/) Powered by Discuz! 7.2