標題: 素顏林欣彤唔怕鬼節送「嚇」 [打印本頁]

---

作者: lwl2007    時間: 2011-8-14 13:39     標題: 素顏林欣彤唔怕鬼節送「嚇」

林欣彤（Mag）昨日到紅館出席《百年辛亥中華總商會111周年文藝匯演》拜神儀式，素顏的她說：「想對皮膚好啲、自然啲，唔使做嘢都唔化妝，唔介意素顏。（唔驚話你鬼節嚇鬼？）呢個都係我嚟啫！做人唔好咁介意，愛自己就OK！（點賀緋聞男友羅孝勇生日？）成班《巨聲》同咗佢食飯，仲送蛋糕畀佢，都想去佢生日會，但要睇有冇嘢做。」

同場的張智霖則說：「我歷史唔叻，但辛亥革命都知啲，我想個仔大個啲就帶佢返內地旅行，邊講故事邊灌輸歷史知識。我想去埃及睇金字塔，但屋企人同公司都唔同意，依家連英國都動亂，我好希望世界可以和平啲。」
                                                                                                                                        
林欣彤拜神時不施脂粉，但她不介意被指「嚇親人」！


                                                                                                                
林欣彤拜神時不施脂粉。

---

歡迎光臨 小花俠論壇 (http://disanna.com/)

Powered by Discuz! 7.2