標題: 婷婷每日一電求安心 [打印本頁]

---

作者: lwl2007    時間: 2011-3-24 19:06     標題: 婷婷每日一電求安心

安志杰（Andy）與周杰倫最近在約旦試戲，謝婷婷昨日出席活動時表示，每晚都與男友Andy通電話，故不擔心他的安危。   
               
謝婷婷昨日出席《bossini X藍精靈》活動，談及男友安志杰在局勢不穩的約旦試戲，她安心地說：「我哋每晚都通電話，佢會用視像畀我睇佢嗰日去過嘅場景，不過尋日我要早瞓，所以冇通電話。（有指周杰倫要撤走？）我覺得佢哋日日都有見面，唔清楚。（唔擔心？）冇，Andy去到第二個國家，會好尊重佢哋嘅宗教、文化同習慣，唔會得罪人，而且佢又有禮貌。」
嘲霆鋒污糟
另外，問到有否看過哥哥謝霆鋒的結婚照，她說：「之前冇睇過，最近喺網上睇咗，好少見佢執得咁靚仔，又蠟得個頭咁正，平日佢好污糟o架嘛！（聽講佢唔沖涼？）你又知嘅？」她還笑談小時候與霆鋒爭玩具的趣事：「哥哥會喺我啲公仔上面亂畫，佢覺得好好笑，但我哋兩個好曳，媽咪成日叫我哋做『破壞王』！」

至於微博上出現一張周杰倫步出約旦酒店的照片，有網友大讚「酷」，但亦有不少粉絲表示擔心，其助理立即在微博派定心丸：「大家唔使擔心，約旦其實很平靜，而我們也只是拍拍花絮、宣傳照和槍械訓練，輕鬆得很。」
                                                                                                                                             
婷婷每日與男友安志杰通電，故不擔心對方安危。

                                                                                         

---

歡迎光臨 小花俠論壇 (http://disanna.com/)

Powered by Discuz! 7.2