標題: JJ笑罵樊少皇似細路 [打印本頁]

---

作者: lwl2007    時間: 2012-9-22 18:25     標題: JJ笑罵樊少皇似細路

賈曉晨（JJ）前晚在深圳出席時裝活動，問到是否男友樊少皇不准她性感行騷，她即澄清服飾是由大會安排。對於樊少皇在微博暗指她經常講分手，她笑說：「冇，拍拖耍花槍啫！佢細路仔，唔好咩都寫上微博，我哋長期見唔到，忟吓！（叫佢唔好寫？）梗係，咁大個人都係咁，冇得救！」雖然分隔兩地，但JJ自信對男友有足夠了解，不擔心有第三者，望大家給予空間。


同場的鄭希怡則透露正籌備時裝生意：「我自己獨資，所以唔開舖住，網上先。」並透露老闆楊受成不時向她灌輸正面思想。                                                                                                                                                                                 
JJ愛與男友樊少皇耍花槍，撒嬌笑罵對方「冇得救」。

                                                                                                              
經過三個月休養，鄭希怡的傷勢已好得七七八八。

---

歡迎光臨 小花俠論壇 (http://disanna.com/)

Powered by Discuz! 7.2