標題: 黃貫中打出地獄 [打印本頁]

---

作者: lwl2007    時間: 2011-3-25 18:30     標題: 黃貫中打出地獄

黃貫中（阿Paul）不僅彈得一手好結他，打泰拳亦有板有眼，日前他接受ontv《娛樂on Show》訪問時表示，經常在Band房練歌恍如活在地獄，所以練泰拳調劑一下。


黃貫中近年由音樂界踩入拳擊界，最近擔任拳賽的設計總監，早前他接愛ontv《娛樂on Show》主持俞詠文訪問時，自爆設計總監其實與打雜沒有分別，又指會要求拳手在擂台上擺Chok樣甫士，增加吸引力。問到為何會接觸泰拳？他說︰「因為我哋呢啲玩音樂好頹，只係喺Band房度，簡直係地獄生涯，嗰時又想做運動，想身體健康啲！所以經朋友介紹下去咗打泰拳。」

認老唔參賽

阿Paul轉眼已打了泰拳5年，問到泰拳是否有撩陰招數？他說︰「你梗係睇得武俠小說多，冇啲咁嘅嘢！」他表示會繼續打泰拳，但不會參賽，更笑說︰「邊個同我打呀？成四十幾歲人，唔好恰啲老人家啦！」

問到圈中人的拳技？他說︰「要打得標準好難，加上藝人又唔會專注打拳，所以冇一個打得靚，我自己學咗五年都唔標準啦！」想知阿Paul還有甚麼顧慮而不會參加拳賽？而又想欣賞阿Paul打拳的英姿，去ontv《娛樂on Show》睇片啦！
                                                                                                                                              
學了泰拳5年的阿Paul即場揮拳，有板有眼。

                                                                                                              
阿Paul咬牙飛踢勁度十足。

                                                                                                              
阿Paul接受俞詠文訪問，大談迷上泰拳的原因。

                                                                                                              
俞詠文戴上拳套，與阿Paul玩埋一份。

---

歡迎光臨 小花俠論壇 (http://disanna.com/)

Powered by Discuz! 7.2