秋風起最啱食臘味
秋風起，又到時候食臘味。過去經濟唔發達，儲存食物嘅方法較為落後，所以醃製臘肉當成儲備糧食可以話係家家必備。宜家呢科技已經咁發達，唔單止雪櫃同冰鮮櫃周圍有，連交通運輸都好發達，普通人就算足不出戶都可以食到五湖四海嘅新鮮食物。於是近年來臘味似乎就慢慢變成一種傳統風味。
不過我哋港澳呢頭臘味都仲算係“寳刀未老”，尤其到秋冬季就更加流行。臘味種類五花八門，最傳統嘅係用半肥瘦嘅豬肉來醃製，但都可以用雞肉、鴨肉甚至魚肉等唔同食材來製作，總之將醃製好嘅材料灌進豬腸衣內，風乾半個月之後就食得。不過臘味比起其他食物稍為肥膩，最好等到秋、冬季天氣轉寒先食。買返嚟整個臘味飯，將臘肉、臘腸同青椒、紅椒放在飯上，淋上醬汁，香氣撲鼻，色澤鮮豔，味道一流。或者整返個梅菜扣臘肉飯，將五花肉同梅菜浸入醬汁燜至軟稔，吃起來鹹中帶甜，肉味鮮美，肥而不膩，又啱季節又暖胃。雖然菜式聽落就唔出奇，但勝在菜肉搭配，而且嗰陣香味，眞係唔輪到你食唔落飯！
提到臘腸臘肉呢啲醃製品，突然醒起我哋酒店嘅啤酒節已經開幕，咁即係話我年年掛念嘅德國原隻醃燒豬手都已經熱烈登場喇。睇嚟呢兩日都要搵埋幾位老友一齊小小哋食啖豬手歎返杯先得！
|
|
