小花俠論壇 - Powered by Discuz! Board

標題: 絕對珍藏 - 1974年回力球賽事秩序表及投注彩票 [打印本頁]

作者: 黃臘鯧 時間: 2012-11-27 11:44 標題: 絕對珍藏 - 1974年回力球賽事秩序表及投注彩票

小弟僅獻上本人私人珍藏多年的1974年回力球賽事秩序表及投注彩票供各位網友分享

作者: 魚腩 時間: 2012-11-27 18:21

本帖最後由魚腩於 2012-11-27 18:26 編輯

第一代球王奧百地..最叻搓波前場薛拉也..後場蘇圖..最夠力水係亞連..艾力比..晏廸加..最古惑縮骨係依真利...

作者: waterpool 時間: 2012-11-27 18:23

要用一蚊買架 ?

作者: richardbilliham 時間: 2012-11-27 18:51 標題: 最夠力水係亞連..艾力比..晏廸加..

本帖最後由 richardbilliham 於 2012-11-28 03:00 編輯

回復 2# 魚腩

最夠力水嘅仲有何力佳、易輝；最叻上/爬牆係拉尼亞、文龍；最佳反守為攻係第三代球王區比亞。

第一代球王：奧百地
第二代球王：區百祖
第三代球王：區比亞

作者: 魚腩 時間: 2012-11-27 19:07

本帖最後由魚腩於 2012-11-27 19:09 編輯

最夠力水嘅仲有何力佳、易輝；最叻上/爬場係拉尼亞、文龍；最佳反守為攻係第三代球王 ...
richardbilliham 發表於 2012-11-27 18:51

[/quote]

何力佳..易輝..文龍..區百祖..區比亞..葉百利..葉仕彬..屬於二,三代球員..呢度未出現..

作者: 王腳立 時間: 2012-11-27 20:21

你地講果d球員我都未色賭

我賭個陣最叻係杜良駒 [西瓜刀]

作者: IF212 時間: 2012-11-28 00:27

本帖最後由 IF212 於 2012-11-28 00:53 編輯

非常感謝你的分享, 現在睇番, 真係仿如隔世, 記得回力球在澳門初開業時, 因年紀未夠秤, 未能入場觀看, 只能收聽綠邨電台的廣播, 感受現場氣氛, 及後成年後經常入場觀賽及投注, 而當年回力球的確是盛極一時, 在澳門各區開設多間投注站, 又吸引了很多本地的年青人自製球拍學打回力球, 很多球員都是當年的偶像, 到今年今日相信這班原裝第一代的西班牙球員如健在, 已是五, 六十嵗的老餅矣, 總的來說, 回力球永遠是成長於七八十年代的澳門人的集體回憶

分享一個1975年澳門回力球的經典廣告

作者: richardbilliham 時間: 2012-11-28 00:35

本帖最後由 richardbilliham 於 2012-11-28 00:39 編輯

最夠力水嘅仲有何力佳、易輝；最叻上/爬場係拉尼亞、文龍；最佳反守為攻係第三代球王 ...
richardbi ...
何力佳..易輝..文龍..區百祖..區比亞..葉伯利..葉仕彬..屬於二,三代球員..呢度未出現.魚腩發表於 2012-11-27 19:07

你啱嘅....

何力佳=Oleaga
易輝=Ibai
文龍=Manu
區百祖=Albichu
區比亞=Orbea
葉伯利=Ibarra
葉仕彬=Esteban

第二、三代球員還有余安度(Uriondo)、劉利加(Laucirica)、雷文(Ramon)、陳里安、葉百南(Ibarrola)、林伯(Arambari)....

第一代最矮球員係士恩(Sein)，最叻用「連消帶打」招式嘅球員係李蘇地(Lizundia)，Li兩位無錯La掛！

回力球公司第一次主辦嘅雙打冠軍杯賽，贏得冠軍果對球員拍檔就係雷文(Ramon)及亞連(Arin)。

仲有，賭回力球最揾笨seven嘅野，就係早期D位置派彩居然可以低到去派壹蚊咁PK嘅，即係如果買最小嘅投注額兩蚊，中左都係賠番個本兩蚊俾你，後期我就唔知仲係咪咁樣嘅。

最後，有邊位仲記得係邊個球員，本來佢打雙打賽係打後場嘅，後尾居然改打前場？

遲D開估...

作者: IF212 時間: 2012-11-28 00:49

本帖最後由低級巡邏員於 2012-11-28 23:04 編輯

[attach]9025[/attach]

黃臘鯧兄, 你post的其中一張彩票上面印的字是Macau Canidrome Club, 應是狗會的彩票呀

作者: 魚腩 時間: 2012-11-28 00:55

回復 8# richardbilliham

有冇記錯係夏立基...

作者: richardbilliham 時間: 2012-11-28 01:36

回復 richardbilliham

有冇記錯係夏立基...
魚腩發表於 2012-11-28 00:55

哈哈，你唔講我都唔記得佢夏立基，Arruaga嘛，多謝提醒！

我記得佢個花名叫做「大盹」或者「大C忽」嘛，咁嘅身型點打前場呀？

我講果位係第一代嘅，佢係高班球員，繼續諗下啦，俾D貼士，佢個名同某歐洲足球隊有關係的。

作者: 魚腩 時間: 2012-11-28 02:47

本帖最後由魚腩於 2012-11-28 02:57 編輯

哈哈，你唔講我都唔記得佢夏立基，Arruaga嘛，多謝提醒！

我記得佢個花名叫做「大盹」或者 ...
richardbilliham 發表於 2012-11-28 01:36

第一代..高班球員，打後場嘅應該係得..拉尼亞,,亞連

作者: richardbilliham 時間: 2012-11-28 03:07

本帖最後由 richardbilliham 於 2012-11-28 03:14 編輯

第一代..高班球員，打後場嘅應該係得..拉尼亞,,亞連
魚腩發表於 2012-11-28 02:47

仲有阿卡素(Arcarazo/亞家嫂)、蘇圖(Soto/高腳七)、亞利打(Arrieta)及艾力比(Elexpe/大力水手)呀，奧典那(Ordenana/科學怪人)初頭都打過高班雙打後場架，不過佢越打越差，後來被降到中班度打....

作者: 魚腩 時間: 2012-11-28 03:26

仲有阿卡素(Arcarazo/亞家嫂)、蘇圖(Soto/高腳七)、亞利打(Arrieta)及艾力比(Elexpe/大力水手)呀，奧典 ...
richardbilliham 發表於 2012-11-28 03:07

冇錯係,,但係打過前場既唔多..(牛皮糖)蘇圖都好似打過,,,

作者: 黃臘鯧 時間: 2012-11-28 10:19

回復 9# IF212

非常多謝2哥先, 我收藏多年一直都無留意到. 但我敢擔保一定是回力球嘅彩票, 因為我係回力球場最後一日最後一場, 刻意買5搭6及6搭5科卡士, 心想, 中到好彩. 中唔到就作為紀念品. 票上印上5-6/6-5. 無花無假. 如今經你一提, 果張飛而家就變咗我嘅經典收藏品.
回想果日, 係我去回力球場以來最噓陷嘅一日, 尤其散場果陣. 班球員出來擲球拍及球衣, 直頭令班球迷陷入瘋狂. 個個癲哂咁走去搶. 如今想起, 此境此情, 還曆曆在目.

作者: richardbilliham 時間: 2012-11-28 15:23

冇錯係,,但係打過前場既唔多..(牛皮糖)蘇圖都好似打過,,,
魚腩發表於 2012-11-28 03:26

蘇圖(Soto)素以穩健接球及搓球見稱，且多數用反手接球及擊球，單打賽時也不是常用正手，佢同士恩(Sein)及薛拉也(Celaya)都系第一代嘅悶蛋球員，後兩人都會間中响前場揾到好機會時「縮矮仔」(即放短球)，但蘇圖是不會做這些招式的，我睇佢打單打賽咁耐，响前場打「三角球」次數不超過五次。佢地三條友雖然冇乜殺着招式，但我當時係好鍾意買薛拉也的，因為佢曾經幫我贏唔少錢嘅。

俾多D提示嘞，那位球員的名字是與西甲某球會的名字相同。

作者: waterpool 時間: 2012-11-28 16:51

你地講果d球員我都未色賭

我賭個陣最叻係杜良駒 [西瓜刀]
王腳立發表於 2012-11-27 20:21

我有資格賭錢時回力都摺左

作者: 魚腩 時間: 2012-11-28 18:15

蘇圖(Soto)素以穩健接球及搓球見稱，且多數用反手接球及擊球，單打賽時也不是常用正手，佢同士恩(Sein) ...
richardbilliham 發表於 2012-11-28 15:23

那位球員的名字是與西甲某球會的名字相同

你係講英超球隊紐卡素係咪..真係唔記得佢幾時轉打前場..人老記性都退化咗添...

作者: richardbilliham 時間: 2012-11-28 19:32

那位球員的名字是與西甲某球會的名字相同

你係講英超球隊紐卡素係咪..真係唔記得佢幾時轉打前場..人 ...
魚腩發表於 2012-11-28 18:15

咁我開估喇，佢就係比路包Bilbao，西甲球會畢爾包Athletic Bilbao咪係同佢一樣嘅名囉。

澳門回力球公司開張初期，比路包及亞利打係當時高班賽中最年輕的兩位，前者18歲，後者19歲。除了奧百地外，由於拉尼亞及亞連年紀已不少，依真利及亞利打的水準不太穩定，蘇圖及阿卡素是防守勝於進攻類型球員，故做就了比路包這位年青、攻守皆備、打法柔軟但殺球刁鑽的雙打賽後場球員。雖然佢D比賽資歷較淺，但因初來報到後的上名率很高，他遂站穩了在頂班賽事中的位置。可惜是在約半年後的一次交通意外中重傷了一邊腳部，據聞那是他當時坐在他好友球員奧基亞Urquia的電單車後座而出事的。我記得佢醫左超過一年後才康復，但見他步行起來已不大像如常，恢復作賽後已不能在單打賽事中出現，只可在中班的雙打賽中改打前場，不久後可能是因合約屆滿而離澳。

作者: 低級巡邏員 時間: 2012-11-28 23:05

黃臘鯧兄, 你post的其中一張彩票上面印的字是Macau Canidrome Club, 應是狗會的彩票呀
IF212 發表於 2012-11-28 00:49

以我記得, 狗會用左電腦票後, 所有用淨d彩票, 就比晒回力球用, 重有, 到回力球尾期時, 回力球的50元銀碼蚊以上的彩票, 用了去3蚊、5蚊、10蚊飛度用。

作者: 魚腩 時間: 2012-11-28 23:28

咁我開估喇，佢就係比路包Bilbao，西甲球會畢爾包Athletic Bilbao咪係同佢一樣嘅名囉。

澳門回 ...
richardbilliham 發表於 2012-11-28 19:32

比路包,,好似係..不過係記憶中佢已經歸於前場球員..同埋我地唔當佢係頂班.只當係一班尾二班頭...
佢同奧基亞撞車哥件事都有d印象...

作者: richardbilliham 時間: 2012-11-29 00:23

本帖最後由 richardbilliham 於 2012-11-29 00:40 編輯

比路包,,好似係..不過係記憶中佢已經歸於前場球員..同埋我地唔當佢係頂班.只當係一班尾二班頭...
佢同 ...
魚腩發表於 2012-11-28 23:28

我也有同感，認為比路包的能力及技術，只是一班尾二班頂的球員。他早期能在頂班中佔一席位，全因區比亞、易輝、區百祖、文龍、葉仕彬等這幾位我認為是澳門回力球賽歷來最top的一批還未來到所致，其他的原因我在上文已有說及。初期的二號球王依真利及「師傅」拉尼亞，他倆在後期的表現，可說是傷盡了不少一路以來擁戴他們的fans的心，我老豆以前都輸唔少錢係佢兩個身上。另外，我記得亞利打後來技術大進，越打越好，有台型兼瀟洒。「大力水手」艾力比最早期也曾打過一陣頂班的，但因他只係得舖大力打後場球，接球技術麻麻兼走位差，成日被人用罩球笠死，不久後被降至二班作賽。

作者: 魚腩 時間: 2012-11-29 01:13

蘇圖(Soto)素以穩健接球及搓球見稱，且多數用反手接球及擊球，單打賽時也不是常用正手，佢同士恩(Sein) ...
richardbilliham 發表於 2012-11-28 15:23

薛拉也我都好鍾意買,,貪佢有得分..試過單棍5搭4買中派成60蚊都和味...

作者: richardbilliham 時間: 2012-11-29 01:19

薛拉也我都好鍾意買,,貪佢有得分..試過單棍5搭4買中派成60蚊都和味...
魚腩發表於 2012-11-29 01:13

薛拉也正一系慢王之王，佢開波總系要滴一大輪先開出嘅...

作者: 魚腩 時間: 2012-11-29 01:26

我也有同感，認為比路包的能力及技術，只是一班尾二班頂的球員。他早期能在頂班中佔一席位，全因區比亞 ...
richardbilliham 發表於 2012-11-29 00:23

十分同意你既分析,睇嚟你都係屬於第一代既忠實球迷..

回力球全盛時就係有區比亞、易輝、區百祖、文龍、葉仕彬...........

後期有土產球員出現之後都已經少去了...

作者: 黃臘鯧 時間: 2012-11-30 15:56

看完魚腩兄及rishard兄嘅分析後. 我也來小小補充. 記得依真利搭拉尼亞係來澳門之前. 好像攞過類似西班牙定世界杯之類嘅冠軍. 佢地兩個嘅紅色腰帶零舍長過人, 所以零舍搶眼. 不過呢個配搭係澳門就唔係咁夠人打, 反而士恩搭蘇圖就周時悶死好多高班對手. 仲記得一啲兄弟組合. 如區百祖-區池. 葉百利-葉仕彬等. 仲有易輝都經常搭著易德, 不過佢地唔係兄弟. 提到易德, 佢又名抽筋德. 接波時成身好似抽筋咁. 唔知兩位記得無? 腩兄提到嘅區比亞, 區百祖, 文龍. 易輝, 據聞係當時回力球世界十杰中之四.

作者: richardbilliham 時間: 2012-11-30 16:34

看完魚腩兄及rishard兄嘅分析後. 我也來小小補充. 記得依真利搭拉尼亞係來澳門之前. 好像攞過類 ...
黃臘鯧發表於 2012-11-30 15:56

兄台你唔提起區池，我都差D忘記佢Li位球員；可能係佢初嚟報到果陣，我已經開始過左去鄰埠揾食嘞。我記得初期我過左去鄰埠果兩年內，我都會隔一兩個月返嚟同埋入場睇嘅，果陣時已經嚟左一班新嘅球員，例如胡禮、李度、安年達、文廸、文駱、高立、葛昌南(好屎嘅球員)等。

作者: IF212 時間: 2012-12-10 23:44

這首回力球開場音樂大家都耳熟能詳
[youtube]c7O91GDWGPU[/youtube]

作者: IF212 時間: 2012-12-11 00:11

本帖最後由 IF212 於 2012-12-11 00:18 編輯

澳門回力球是由香港嘉年集團主席彭國珍及股東何柏引進的，『澳門回力球企業有限公司』於1971年成立，他們投下巨資，於1972年5月動工在新口岸近水塘邊緣的松山腳一幅土地上，興建了一個佔地面積頗大的回力球場，場館於1974年竣工，整個項目投資六千萬元。當時的回力球場場地總面積五萬多平方米，設有座位五千個，面對觀眾席的球台，長五十公尺，深十六公尺，高十五公尺，台前有不礙視線的整幅鐵絲保護網保護觀眾，全場冷氣空調，座位舒適。
興建中的回力球場
[attach]9270[/attach]

七十年代回力球場
[attach]9271[/attach]

[attach]9272[/attach]

1974年6月15日開鑼舉行首場回力球賽事，從西班牙聘請多位有名氣的回力球員，包括奧百地、依真利、拉尼亞、李蘇地、晏迪加、晏拉尼等來澳作賽，以精湛的球技吸引觀眾，後來更有球王區比亞、區百祖等加盟，曾令澳門回力球場成為世界上軟、硬設施都是一流的回力球場，當時每晚都有比賽，週末、週日及公眾假期的日間也舉行賽事，入場費一元。投注用電子計算機操作，項目有獨贏、位置及科卡士三種。
回力球場內觀
[attach]9273[/attach]

賽事進行中
[attach]9275[/attach]

[attach]9274[/attach]

回力球以博彩方式營運，是首個澳門球類博彩項目，投注金額由兩元起，由於是新的博彩項目，起初開業時可謂盛極一時，球賽更由當年的麗的電視及澳門綠邨電台作現場直播，以吸引香港居民投注，不少市民及遊客進場觀賽及博彩，兼且在夏天可在場館內嘆冷氣。
八十年代回力球場
[attach]9276[/attach]
回力球場外投注站
[attach]9277[/attach]

但其後好景不再，由於回力球賽事賭法單調，又被認為有人為因素，操控賽果，捧場客每況愈下，回力球公司連年虧蝕，至1985年已虧損七千萬元，回力球公司為救亡而改組，在1986年邀何鴻燊擔任公司主席，但仍難以『止血』，至1990年7月21日開業了十六年的回力球賽事終告結束營運，為澳門回力球博彩劃上句號。
回力最後一戰的報章報導
[attach]9278[/attach]

同年8月開始；回力球場館被改建為娛樂中心，建築物內開設商場、桌球室、戲院、夜總會、酒樓、食肆、浴室、波子機場等娛樂夜遊場所，同時開設了『回力娛樂場』，是當年全澳門三大娛樂場之一，此後場館又經過多次改建，內裡的戲院及部分娛樂場所相繼結業，而回力娛樂場則仍舊不變，經歷卅餘載，澳門回力球博彩雖已不再，『回力』的經典名字仍留存於此。

作者: 黃臘鯧 時間: 2012-12-13 09:35

多謝2兄嘅詳盡資料. Thanks!

作者: waterpool 時間: 2012-12-13 17:44

回復 29# IF212

好精彩~~

作者: 黃臘鯧 時間: 2013-1-25 12:19

澳門回力球是由香港嘉年集團主席彭國珍及股東何柏引進的，『澳門回力球企業有限公司』於1971年成立，他們投 ...
IF212 發表於 2012-12-11 00:11

2哥, 幾經辛苦, 終於俾我搵番當年最後一日嘅賽事秩序表. 回力球結業當日應係1990年7月31日, 而非7月21日.(後面的球員成績統計表都顯示到28日) 另睇番嗰張賽事秩序表, 排位處竟有兩個陳冠傑同時作賽. 可想而知, 當時嘅人已無心戀戰, 攪到好似草草收場. 可惜. 可惜!

作者: waterpool 時間: 2013-1-25 12:45

據聞回力要拆卸了.

作者: IF212 時間: 2013-1-26 01:55

據聞回力要拆卸了.
waterpool 發表於 2013-1-25 12:45

如果消息屬實, 都覺可惜, 因為回力球場總算是澳門人的集體回憶, 雖然有些回憶是苦澀的

作者: waterpool 時間: 2013-1-26 15:27

如果消息屬實, 都覺可惜, 因為回力球場總算是澳門人的集體回憶, 雖然有些回憶是苦澀的
IF212 發表於 2013-1-26 01:55

相信你都係果度留低唔少 .

作者: 王腳立 時間: 2013-1-28 21:18

本帖最後由王腳立於 2013-1-28 21:20 編輯

澳門回力球是由香港嘉年集團主席彭國珍及股東何柏引進的，『澳門回力球企業有限公司』於1971年成立，他們投 ...
IF212 發表於 2012-12-11 00:11

頂番野上黎先

作者: 黃臘鯧 時間: 2013-1-30 11:13

回力球場館將要拆卸重建, 回力球勢必成為五/六/七十後嘅集體回憶. 今日加多一張回力UA戲院票尾. 讓大家回顧一吓.

作者: 王腳立 時間: 2013-1-30 22:39

再頂

作者: 亞堅奴 時間: 2013-1-30 23:34

再頂
王腳立發表於 2013-1-30 22:39

我幫手繼續頂你！

作者: 王腳立 時間: 2013-2-1 16:36

仲有茅呀

作者: IF212 時間: 2013-4-6 02:35

本帖最後由 IF212 於 2013-4-6 02:39 編輯

回力最近已摺埋, 入邊的食肆及商號亦陸續遷出, 看來重建在即了, 再和各位分享一幅七十年代初期回力落成不久時的相片來懷緬過往的光輝歲月

作者: 王腳立 時間: 2013-4-6 10:37

回力最近已摺埋, 入邊的食肆及商號亦陸續遷出, 看來重建在即了, 再和各位分享一幅七十年代初期回力落成不久 ...
IF212 發表於 2013-4-6 02:35

茅計

作者: jose1057 時間: 2013-4-6 11:23

push

作者: 黃臘鯧 時間: 2013-4-6 14:58

回力最近已摺埋, 入邊的食肆及商號亦陸續遷出, 看來重建在即了, 再和各位分享一幅七十年代初期回力落成不久 ...
IF212 發表於 2013-4-6 02:35

多謝2兄分享相片, 睇番張相, 見到相中場館的紅色屋頂, 又令我想起當年一位風水大師曾經講過, 回力球場館嘅外型設計成隻蟹一樣, 但屋頂却用了紅色, 犯了風水大忌, 因為生猛的蟹是青色的, 給人煮熟了的蟹是才會是紅色的, 後來都曾經轉為青綠色的屋頂. 可惜, 最終都要結業收場.

作者: waterpool 時間: 2013-4-6 15:23

多謝2兄分享相片, 睇番張相, 見到相中場館的紅色屋頂, 又令我想起當年一位風水大師曾經講過, 回力球場館 ...
黃臘鯧發表於 2013-4-6 14:58

生猛蟹都綁手綁腳啦, 唔執就奇

作者: paulo 時間: 2013-4-6 18:11

依家有班人係松山開波!

作者: 亞堅奴 時間: 2013-4-6 21:46

回力球之友！

作者: 王腳立 時間: 2013-4-6 21:50

真係好值得懷念

作者: 亞堅奴 時間: 2013-4-6 22:12

回復 48# 王腳立

你夠值得懷念喇，咁耐都唔見，衰鬼！

作者: jose1057 時間: 2013-4-7 00:57

你倆個都值得懷念~因為成日都唔見你地

作者: 王腳立 時間: 2013-4-7 12:52

回復王腳立

你夠值得懷念喇，咁耐都唔見，衰鬼！
亞堅奴發表於 2013-4-6 22:12

你都成日失中

作者: 王腳立 時間: 2013-4-7 12:52

你倆個都值得懷念~因為成日都唔見你地
jose1057 發表於 2013-4-7 00:57

留番7月再見啦

作者: waterpool 時間: 2013-4-7 15:33

留番7月再見啦
王腳立發表於 2013-4-7 12:52

7 月????

作者: 94110 時間: 2014-5-14 11:54

非常精彩的一篇文章，非常回味。

作者: 黃臘鯧 時間: 2014-5-14 17:14

非常精彩的一篇文章，非常回味。
94110 發表於 2014-5-14 11:54

老兄如有好料, 可以放上嚟一齊分享.

作者: 94110 時間: 2014-6-2 11:04

各師兄所講既世界級球員，我聽都未聽過。我當年觀看球賽時的A班球員有鄧安浩，李楝，杜良駒，蘇世保，高善雅，技術應該差好遠。
小弟現在都有上松山打回力球

作者: 黃臘鯧 時間: 2014-6-2 14:20

各師兄所講既世界級球員，我聽都未聽過。我當年觀看球賽時的A班球員有鄧安浩，李楝，杜良駒，蘇世保，高善雅 ...
94110 發表於 2014-6-2 11:04

歡迎加入小花, 你如有其他好料, 可放上嚟一齊分享.

作者: IF212 時間: 2016-8-3 10:34

本帖最後由 IF212 於 2016-8-3 10:36 編輯

(轉貼2016年8月3日澳門日報)

回力球集體回憶再掀熱火

◆昔年發燒友球火未熄重拾當年勇
對本澳九零、零零後來說，大概只知道正在裝修的“回力球場”，而不知“回力球”為何物。此項西班牙國技於七十年代傳入澳門，回力球場因此而建，更曾掀起街頭文化。歲月流逝，球場已轉型多年，惟一班發燒友的“回力球火”未熄，在松山的一個小小球場尋回那些年的集體回憶。不過，他們指場地過於狹窄、不合規格導致容易受傷，且缺乏照明設施，冀政府正視。

◆七十年代風靡澳門
想當年本澳的博彩娛樂多樣化，除賭場、賽狗外，連體育項目回力球亦可一賭。澳門回力球體育會副會長司徒卓海那時亦是全職球員。他表示，一九七四年開張的回力球場轟動一時，過千觀衆席幾乎晚晚爆棚，熱鬧非常，連麗的電視都有直播。此項運動與壁球相似，採用的是羊皮鉛球以及藤織蕉形球拍，球員手握球拍將球用力抽向牆壁，另一方球員則接回並再抽波，反覆抽接，接不到便輸一分。項目集體力、速度、技術於一身，相當刺激。

他形容，當年許多年輕人的夢想是成為職業回力球員，經過半年訓練後，他被挑選為受薪職業球員，每日如打工一樣上班打波，另設獎金制。那時三、四十名球員來自美國、菲律賓、墨西哥等地，亦有本地球員。但隨着回力球場於一九九零年結業，一班球員亦要另覓生計，因而各散東西。有人轉職公務員，亦有人投身娛樂博彩行業。

◆再遇隊友喜續前緣
司徒卓海轉行後，已與回力球暫別一段時間。後來再遇隊友及球迷，得知松山綜合廣場設有回力球場後，便上山重拾當年勇。除了運動有益身心外，亦藉此與一班波友聚舊，尋回當年回憶。不過，由於場地大不，他們已不用羊皮鉛球，現時採用“剝皮”網球，重量及侵略性不及以往般，球拍則是自製的“紙皮雞”（長勺形手套）。

儘管器材已因地制宜，一班波友仍因場地狹窄而經常受傷。司徒卓海形容，民署設立的松山回力球場與標準球場相距甚遠。以往新口岸回力球場長五十五米、寬十六米，球員有足夠空間伸展揮拍，現時的完全不合比例，不及標準場的五分之一，相當侷促，球員易碰撞及扭傷。另一個位於鴨涌河的球場同樣不正規、設施不理想。

◆場地非正規盼改善
一班波友因回力球場而結識，並從而熱愛此項運動，惟現時連一個正規的球場也欠缺，司徒卓海感遺憾，坦言相當矛盾。場球好天曬，落雨淋，中午時分又烈日當空，下午、傍晚則照明不足，連休息凳也要自備。有感回力球是本澳許多六零、七零後的集體回憶，現時早、午、晚不同時段都有人上山打波，大家均希望有個合適、標準的運動空間，惟多次向政府反映無果。

七十年代回力球傳入時還是孩童的李溢利對它充滿好奇，經接觸後一試愛上，更打入訓練班，最後因工作關係放棄。五十多歲的他最近又執起回力球拍，並再次上癮，每日“唔打唔舒服”，旅行回澳後都要立即上山打波。他笑言，打波後血壓變回正常、血糖變低，連因長期跑步導致的膝頭痛問題也消失，卻因場地太窄，打波時經常發生碰撞，連自己也受傷，“地方窄，球拍撞埋嚟閃都冇得閃。”冀政府能為一班回力球愛好者撥出更多運動空間。

作者: IF212 時間: 2016-8-3 10:43

本帖最後由 IF212 於 2016-8-3 10:46 編輯

(轉貼2016年8月3日澳門日報)

“六七〇後”尋回那些年

◆三年摸索自製球拍圓球員夢
羽毛球拍、網球拍、乒乓球拍等隨手可得，但有一種球拍在澳“一拍”難求，DIY才是樂趣，連波亦要自行加工。這項運動為回力球，它沒有隨時間絕跡，現今街頭球拍已由紙皮製演化成木製，羊皮鉛球則用“剝皮”網球代替。

◆波友球拍獨一無二
大孖明憶述，十多歲時爸爸帶他進入回力球世界，比賽時觀眾席上坐滿觀眾，看着精彩的賽事，大嘆“呢項運動真係好玩”，從此築下球員夢。他回家後迫不及待自製球拍，當時回力球深受許多年輕人歡迎，大家在空地利用牆壁打回力球，可惜隨着球館關閉，加上城市發展，回力球逐漸消失於街頭巷尾。

回力球於澳門七、八十年留下深刻印記。至今，一班“六○後”、“七○後”在松山重拾集體回憶。球拍（“紙皮雞”）於他們而言是戰友，大孖明足足花了三年摸索出適合自己的球拍，介紹做法時頭頭是道，“尋找合適的木塊切割出形狀，以電鑽鑽，好後打磨，手柄位置以網球用手帶纏繞，然後下釘，上膠水……”製作一個“紙皮雞”約需十小時。大孖明表示，每個步驟都好考功夫，最難的是手柄與罩接合的一剎，不能傾斜。他們每個人製作球拍的方法、要求都各有特色，罩的弧度、球拍重量不等，有些波友還會用電腦激光切割，務求自己的“紙皮雞”獨一無二。

◆ “剝皮”網球彈力佳
據大孖明介紹，正規的回力球以鉛為心，包裹着樹膠的羊皮小球，賽時要戴上頭盔，街頭業餘者則用網球代替。現時為了彈力更佳，將網球“剝皮”。在等候上場時，一眾波友會在球場一隅，用自備工具將網球毛絨的外表“剝開”備用。但由於網球失去了外表保護，加上天氣熱等因素，球芯容易爆裂，故每日都消耗掉大量“剝皮”網球。

看着一班大男人在大熱天時圍在一起，好像剝橙一樣為網球剝皮，個個手法純熟，其實畫面頗為有趣。無他，熱愛而已，每一代人都有專屬的集體回憶，豈可說抹去就抹去。

◆為打波拖電帶燈上山, 波友：小衆文化值得推廣
六十有二的波友李榮開當年在街邊打回力球，為追尋童年回憶，今年趁着退休後較空閒，上山重拾舊時愛好。笑言打波七、八個月後，瘦了一圈，“三高冇晒，腳痛打到唔痛。”有時更打波如食飯般一日三次，對回力球有着牽掛。

球場數量、設施本已不足，晚上又無照明，怎麼辦？一班波友惟有自行帶燈帶電上山打波，“今日架車仲誇張，泊到去何賢公園拖（燈、電）上來。”天氣又熱、“架生”又重，但他指沒有辦法，對回力球“大鋪癮”。他又表示每日除凌晨時分外，早場、午場、晚場、子夜場都有人在松山打波，此運動適合男女老少，遊客經過都覺得十分新奇，絕對值得政府推廣，不應浪費本澳的小衆文化。

作者: 94110 時間: 2017-10-24 08:52

經過多年努力爭取，民暑考慮優化場地，加高網頂，雨逢和照明，波友們能繼續這項澳門特色的運動，傳承下去。

作者: IF212 時間: 2018-8-29 17:18

找到1990年有關回力球結業的兩段報章報導

歡迎光臨小花俠論壇 (http://disanna.com/)