久休復出的葉玉卿昨日與「校長」譚詠麟（阿倫）等為賀歲片《我愛HK2013恭喜發財》開工，拍攝譚詠麟被錢國偉收數時，老婆卿卿胸壓阿倫以示不滿！期間，卿卿跟「港版Psy」錢國偉合照時笑言，子女看其短片多過正版！對於多年後再演喜劇，卿卿直言有難度兼有壓力：「初時諗住嚟玩，點知接咗就後悔！因為要擺低啲仔女，但都好Enjoy。（戲癮發會再接？）睇期配合同睇出嚟效果，就算我肯做，但做得差就唔好搞到人啦！」她表示此行最開心是可見其半身不遂的母親：「以前返嚟留唔耐，過去十年同媽咪見面都係一、兩餐飯，呢半年佢身體好差又中風，都近90歲喇！要珍惜時間！」還透露下月底將再返港為《我》片宣傳，並指女兒昨日已抵港陪她。

另外，卿卿接受電視台訪問時稱因久未見母親，被姊姊責怪不孝順，她哽咽地說：「好唔開心！我話我一直有養屋企，佢話媽咪係要我返嚟陪佢、同佢食飯，我真係好難過。」

譚詠麟首與葉玉卿合作，剪定齊蔭「六両半」頭等「胸壓」！

卿卿跟「港版Psy」錢國偉合照畀子女留念。