其實無綫全台員工連日來已陸續投票，據知情人士透露，黃智雯和香香的票數不分軒輊，但在9大高層佔三成決定權下，誰奪「飛躍女」更添變數。由於胡定欣深得高層歡心，已坐定粒六膺最佳女配角，故同樣有份競逐該獎的黃智雯很可能攞盡同情分，在「飛躍女」佔得先機。至於「飛躍男」，梁烈唯今年於《缺宅男女》等劇中的進步有目共睹，高層亦屬意他奪獎。

香香昨日到銅鑼灣鬧市出席手袋活動時，被問到有沒有信心奪獎？她說：「冇諗過，有份提名已經好開心，真係冇乜壓力，我都冇投票畀自己！Try My Best已經好開心，只期待着靚衫扮靚靚睇騷。」並透露「神聖一票」已投給競爭對手黃智雯：「『飛躍女』已投咗畀黃智雯，因為我好鍾意佢演『關二嫂』呢個角色！而『男配』就投咗畀古明華！」問到心水視帝、視后誰屬？她大賣關子說：「唔想講，因為真係好難揀！」

香香大方地投「飛躍女」對手黃智雯一票，更大讚對方的角色。

黃智雯於ASTRO頒獎禮膺「我的最愛最具潛質女藝員」。（資料圖片）

唯唯形象入屋，成為「飛躍男」大熱人選。