不過兩個大細路甫一聚頭即玩個不停,眼見子珊玩鬥雞眼,貪玩的阿峯亦有樣學樣。未幾阿峯整蠱子珊,不斷餵她進食,更謂:「阿妹,你瘦呀!食多啲啦!」子珊起初也有服從,但後來見勢色不對,即不斷夾餸給阿峯還擊,場面非常惹笑。
|
|
剛拍完內地劇的阿峯透露未能休息享受假期,他謂:「嚟緊月尾就係演唱會,之前一直開緊工排唔到,依家終於可以全程投入,因為時間都幾緊迫,所以應該都要地獄式訓練。同埋之前演唱會玩過水同火,所以今次會有新嘢畀大家,但要賣個關子先。」
七演警察驚睇厭同樣冇得抖的子珊拍完賀歲片後,小休片刻又要為新劇《神槍狙擊2013》開工。她笑言已經第7次演警察角色:「唔知點解咁鍾意搵我做呢啲角色,不過唔緊要,為免觀眾睇到厭,我會搵啲新元素畀大家嘅。(除夕點慶祝?)冇啦!其實都慣咗假期工作,我都好享受嘅,正日冇得玩,咪之後再約朋友慶祝囉!到時仲冇咁多人添,哈哈!」
歡迎光臨 小花俠論壇 (http://disanna.com/) | Powered by Discuz! 7.2 |