笑匠周星馳昨日以導演身份，率領台灣藝人舒淇和羅志祥，在港出席電影《西遊．降魔篇》記者會。星爺自與于文鳳分手後，感情事一直備受關注。記者會上追問他現階段感情狀況，現在是否正在拍拖時，他苦無對策下惟有向身旁的舒淇埋手，借她過橋凝望對方大叫「舒小姐……」，似向她求救。記者指舒淇已名花有主，緋聞男友正是與他同名叫Stephen的馮德倫，星爺即借機說：「乜你名花有主嘞咩？」舒淇聽後全程甜笑不語，亦沒有否認。

記者會上星爺表示曾邀約舒淇用膳，問到舒淇是否星爺在展開追求，她則笑說：「呢啲嘢點會喺度講，唔會話畀你哋聽。」而星爺在台上又讚舒淇人靚又性感，在片中還有很大的可塑性，問到舒淇是否如實，星爺代答：「佢好有教養，唔會喺度講啲咁驕傲嘅說話。」另外，對於不少藝人與星爺合作過後，都被指反面收場，舒淇聞訊後說：「唔明你哋問乜？」星爺亦說：「我都唔明佢哋問乜。無，其實係咁上下。」

周星馳在活動上避談感情事。

舒淇與周星馳講到掩面大笑。

馮德倫

另對於有傳星爺與于文鳳分手後，被對方追討債務一事。問到星爺會否感到好hurt，星爺點頭，但說：「無無無，呢啲唔講嘞。（二人關係？）唔講嘞。（庭外和解？）呢啲點會喺呢度講呢。（影響宣傳心情？）呢啲好閒啫！（為錢分手？）都話咗唔會同你哋講，你係都要問嘅？」

談到今年同期港產賀歲片，星爺說：「無留意喎，有乜戲？（添壓力？）無，車，我以前成日都有賀歲片o架。（再破票房紀錄？）梗係想票房好，但唔需要咁確實有個數。」至於是否真的不再做演員，他幽默的說：「多謝舒淇鼓勵我，令我自信曾經返嚟一陣。但羅志祥出現令我又跌入海底。」