問到二人不和傳聞，偉仔即幫口解畫說：「點會？其實每個演員都拍咗好多，王導有創作權利同選擇，好似我同佢合作咁多年，就算佢cut我嘅戲都唔可惜，因為佢一定有佢嘅原因。」

拍戲期間經歷種種辛酸，有指多次受傷及生病的偉仔在內地捐錢建神像求平安，他卻說冇印象：「可能係嘉玲之前捐落嘅。做善事要出心，有目的就唔係咁好。（仲傳嘉玲種咗棵姻緣樹？）咁得意？咁就唔知嘞。」偉仔繼續大吐苦水，更將自己比喻為「冇油的車」，說起碼半年不會接戲。

左起：張晉、偉仔、王家衛、章子怡、張震及銀都代表宋岱齊主持首映禮。

梁朝偉的新戲終於上映，太太劉嘉玲當然要撐場。

蔡少芬與老公張晉恩愛到場。

與撒貝寧打得火熱的章子怡，近日每當提起男方甜笑回應，不過近日忽傳二人情海翻波，內地一名名叫齊虎的男士自稱是子怡舊愛，自爆曾找撒貝寧攤牌。撒貝寧昨在自己微博上張貼《一》片海報，隔空幫女友打氣，順勢澄清情變，至於在港亮相的子怡戴上De Beers Aura總重7卡、總值過百萬的鑽石耳環，事前承諾與記者做訪問，後因時間緊迫加上安排混亂，最終決定取消訪問。

蔡少芬（Ada）腳踏三吋高跟鞋翹實老公張晉亮相，早前她作小產，張晉表示早已沒事，但拒絕透露老婆懷孕多久。談到拍攝此片的艱辛，幸獲網民大讚其表現，張晉開心不已：「三年其實過得好快，我都有兩個小朋友嘞，如果王導再搵我合作，我都有興趣。」完成拍攝後他曾一度流下男兒淚，因捨不得角色。