吳雨霏（Kary）昨晚再度舉行一連兩場的紅館演唱會，於早上的電台錄音訪問中她就表示為了個唱操fit身形：「我一百零五磅，因為啲肌肉firm咗仲重咗七磅！歌衫都會騷吓身材嘅，特別係腳啦。」Kary本想找來練得一排「朱古力」的周柏豪做嘉賓晒肌，但他拒絕！Kary亦懶理G.E.M.（鄧紫棋）經理人早前質疑她奪叱咤女歌手銅獎，認為各有自己睇法，日後見到G.E.M.都不會尷尬。不過專心搞個唱的她就興奮到失言，昨日在社交網站Instagram留言寫道：「Ready to rock this mutha fxxkin show.」疑似粗口的留言認真教壞細路。
