小花俠論壇 - Powered by Discuz! Board

標題: 戀情告急？ 3個唔夾大警號 [打印本頁]

作者: 藍月亮 時間: 2013-1-9 19:07 標題: 戀情告急？ 3個唔夾大警號

無拖拍煩，有拖拍可以仲煩，大事識遷就但小事就未必，熱戀期過去小爭吵陸續浮現，令到關係蒙上一層抹唔走的死灰。以下的Unhappily partnered警號有沒有似曾相識的感覺? 萬一警鐘敲響，就請好好檢視一下雙方的落差。
1.對方的興趣變成你折磨
即使你有幾喜歡同聲同氣多話題，都難免遇到興趣、嗜好不同的情人，重點當然在於成分比例，但如果對方於假日全程投入打波、睇ACG、砌figures，拍拖的活動不外乎參與你不感興趣的事情，難得放假就變成折磨的開始，又怎能愉快戀愛？
2.變成情場相撲手
一段關係如果演變成步步進迫出手互推，足以推倒所有感情基石。注意，不是說互相毆打掌摑的肉體相撲（床上情趣式角力另計，萬一不幸有家暴請立刻向親友求助！），更多是精神上的對壘。撒嬌、暗寸、擺明發爛都好，如果時常為求要對方順從自己而你攻我擋，就算開始很逗趣，長此下去都無法保證鬧得多會唔會玩出禍。
3.溝通變成2-way Monologue
你唔係你情人，好難知道晒佢諗咩同想點，因此良好的溝通是必要的。唔好以為你有同佢講野，佢又有回應你就算係對話，各持己見各自表述，你一句我一句都只係重覆自己意見，出現這種雙向獨白絕對是關係出問題的大警號，因為表示雙方都無開放自己去了解對方，極易感覺對方不明白自己而心灰意冷。
「不接受」會招剎引災
以上警號，講到尾都係因為一種不願意接受的情緒，你不接受他的興趣，不接受他有對不上自己心水的行為意見，不接受他不從你的角度了解你，因此磨擦就出現。警號響起卻祝若無睹的下場，就係將唔開心的情緒繼續屈屈埋埋，等到某一次大爆發，因此警號出現後就要小心檢視。

全盤檢討接受能力
愛一個人，理論上是要接受埋你不愛他的地方，畢竟你情人都係一個獨立個體，跟自己不同都是應該的吧？但也不是說要盲目又全盤地接受，而是要好好review一下到底你接受不到的事情是否過多、讓你討厭的效果是否過大；你愛一個人，到底是想找個盡量相同的人一起spend happy time，定係從一個好唔同的人身上學會一些自己平時體會不到的事？
知道自己要咩先係老闆
邊一種approach都無壞，最緊要了解自己想在對方身上得到什麼，更加無話一定要箍煲定掟煲，開心還是最緊要的，仲接受到就去發掘不同之處的快樂，令unhappy partnered變成happily partnered，如果接受唔到，就學會教訓，下次揀一個match的然後高呼「I’m happily partnered！」

歡迎光臨小花俠論壇 (http://disanna.com/)