小花俠論壇 - Powered by Discuz! Board

標題: 一身黑行街江欣燕童裝乜都飱 [打印本頁]

作者: 小魔女 時間: 2013-1-22 20:45 標題: 一身黑行街江欣燕童裝乜都飱

週四晚，由頭黑到落腳的江欣燕單拖到銅鑼灣皇室堡行街，雖然素顏，又戴住眼鏡，但以熟女藝人來說難得面仔脹卜卜，下巴圓碌碌，所以一眼便被認出。雖然被街坊眼望望，但45歲的江欣燕無當一回事，見有店舖全店貨品激減至250元就即入，之後又入童裝店，乜都睇，乜都飱，悠然自得，好爽。
　　因為鍾意飲，但又唔飲得，所以你我皆見過江欣燕的醉後醜態，爆粗事少，酒醒後唔認爆粗事大，總之肉酸啦，不過都唔使再靠形象搵食，事旦啦，飲酒唔醉，飲鈬做乜?
　　衫裙揀唔落手
　　當晚，好清醒的江欣燕先到全店大減價的時裝店睇衫，因為All Items劃一$250，欣欣好開心，不斷在衫裙堆揀揀揀，但平唔一定執到心頭好的，兩手空空的欣欣再繼續行，童裝店亦飱，只見她無論出世數月的BB衫還是大一點的小童衫都唔放過，努力揭揭揭，揀BB衫唔一定自用，送畀朋友都可以的。

雖然包到軃，但素顏江欣燕極易被認出。

大減價，江欣燕當然落力揀。

江欣燕連BB衫都飱。江欣燕同老公皆愛夜蒲，但前者卻唔多飲得。

歡迎光臨小花俠論壇 (http://disanna.com/)